Бусад төсөл - Vipzuuch.mn | Вип зууч - Үл хөдлөх хөрөнгө, Тендер шалгаруулалт, Хөдөлмөр зуучлалын вэб сайт

Тарагны зайрмаг тасарсан бизнес

tonshuul — Fri, 24 Mar 2017 01:42:02 -1100

Хятадын өмнөд мужаар аялалаар явж байхад хоол унд нь таарч өгөхгүйн зовлон их байдаг. Багаасаа мах идэж өссөн миний мэтийн хүн өдөр бүр өвс савхдаад байх нь тийм ч таатай хэрэг биш. Тийм болохоор, хааяа би тараг авч уух дуртай. Яагаад ч юм, тараг уучихаар тэр өдөртөө өл сайн даана.

Янз бүрийн чихэрлэг зүйлд дургүй мөртлөө тарагны зайрмаг тааралдвал татгалзахгүй. Хятадын зайрмагнууд цөцгий амтагддаггүй. Цэхэр ус хөлдөөчихсөн юм шиг идэхэд таатай биш байдаг.

Би зун болохоор нутагтаа ирж амрахдаа элгэн тараг ууж ходоодоо цэвэрлэх дуртай. Заримдаа тэр сайхан элгэн таргаар орчин цагийн амтат зайрмаг хийвэл мөн ч гайхамшигтай идээ болж, овоо хурдан мөнгө босгочихмоор санагддаг. Таргыг оригоор уухаас гадна төрөл бүрийн амтлагч хийж уухад хамгийн тохиромжтой ундаа юм.

Тарганд агуулагдах сүүний хүчлийн бактер нь гэдэсний хэвийн үйл ажиллагааг дэмжидэг.
Мөн таргыг бүрэлдүүлдэг сүүний хүчлийн бактерууд сүүний уургыг жижиглэн хуваадаг тул илүү хурдан шингэдэг.
Тарганд кальци их хэмжээгээр агуулагдана. Кальци нь ясанд агуулагдах эрдэс бодис бөгөөд хүүхдийн өсөлт, ясны бэхжилт зэрэгт сайнаар нөлөөлнө.

Манайд эко бүтээгдэхүүн болсон таргаа хүүхдийн дуртай зайрмаг болгох эхлэл тавигдаж байгаа нь сайшаалтай. Энэ сайхан ажлыг улам ухаалагаар хөгжүүлэх үүднээс тарган зайрмаг хийх аргыг хөдөөнийхөндөө танилцуулах гэсэн юм.

Энд танилцуулж байгаа тараг исгэх камерийг хот хөдөөгүй хэрэглэбэл шинэлэг төрлийн үйлчилгээ бий болно. Гонг Конг болон Хятадын өмнөд мужуудаар тарган зайрмагны кафе хааяагүй тааралддаг. Хүмүүс ч их дуртай үйлчлүүлнэ.

Ногоо идэж өссөн Хятадууд амтанд нь орчихоод байхад цагаан идээн дээр өссөн Монголчууд маань илүү их дурлана даа.

Тараг бол эм

Тараг цусан суулга, ходоодны шүүс багадалт, судасны хананы хатуурлыг эмчилнэ. Элэг , цөс , арьсны төрөл бүрийн өвчнийг анагаана. Мөн цацраг туяаны хордлогыг тайлна. Ходоод, гэдэс дотрын өвчнөөс үүдэлтэй амны болон амьсгалаар гарч буй эвгүй таагүй үнэрийг өглөө өлөн элгэн дээрээ орой унтахын өмнө чихэргүй тараг 3-5 хоног уухад алга болдог.

Тараг бүрэгч машин нь үйлдвэрлэл, үйлчилгээ, худалдааны ямар ч байгууллагад өргөн ашиглаж болно.

Сайтар битүүмжлэгдсэн хаалга, халаагч камер, халаалтын шугам, агаарын эргэлтийн сэнс, үлээгч суваг, ферментийн бүрэгч, ариутгах гэрэл, температур хэмжигч, хяналтын самбар, цахилгаан эд анги болон бусад олон эд ангиас бүрдэнэ.

Жижиг хэмжээний цайны газар, дэлгүүр, олон нийтийн үйлчлгээний газар хэрэглэхэд тохиромжтой. Хүний эрүүл мэндэл хэрэгтэй эко хүнсний эрэлт хэрэгцээ нэн өндөр болоод байгаа өнөө үед дэлхийн хөгжингүй орнуудад ийм төрлийн үйлчилгээ ихээхэн ашиг орлоготой болоод байна.

Тараг бол Монголчууд бидний уламжлалт хүнсний бүтээгдэхүүний нэг бөгөөд сүүлийн үед хүмүүс эрүүл мэндийнхээ төлөө их анхаарал тавьдаг болоод байгаа билээ. Иймд үхрийн цэвэр сүүгээр эрүүл ахуйн цэвэр орчинд тараг бүрж, төрөл бүрийн амталгаатайгаар худалдан борлуулбал манай Монголчууд илүү их сонирхоно.

1. Эзлэхүүн: 100 литр (200 мл-ийн 70 орчим аяга)
2. Хэмжээ: 400 * 420 * 760мм
3. Тавиурууд: 36 * 25см хэмжээтэй гурван давхар тавиуртай, хамгийн дээд давхарын өндөр 18см, харин дунд ба доод давхарын өндөр 15см
4. Ариутгал: Хэт ягаан туяаны гэрлээр ариутгал хийнэ
5. Халаагчийн чадал: 200Вт
6. Цахилгаан хэрэглээ: 50Гц, 220V, ±10%
7. Хэрэглэх орчин: 90% -хүртэл чийглэгтэй 0-40 хэмийн дулаан орчинд

Үйлдвэрээс захиалах үнэ: 1950 юань

1. Японы Nakagawa брэндийн технологиор үйлдвэрлэгдсэн. Компьютер програмчлалын дагуу ухаалаг үйлдэл хийх IC чип суурьлуулсан тул температурыг жигд тохируулан, камерт оруулсан бүх тараганд исэлт жигд явагдана. Олонхи тарагны дэлгүүрийн эздийн сэтгэл зовоосон асуудлуудын нэг болох өвлийн улиралд борлуулалт нь эсрэгээрээ нэмэгдсэн байна.

2. Төхөөрөмжийн дотор эд ангийг зэвэрдэггүй гангаар хийсэн бөгөөд цэвэрлэхэд хялбар, нянгийн бохирдол үүсэх нөхцлөөс бүрэн хамгаалагдсан болно.

3. Шинэ тараг бүрэх үйлдэл: Энэ машинд бүрсэн тараг цөцгий мэт өргөн сүүн амттай болдог тул хүмүүс их дуртай байдаг. Элгэн тараг шиг сайхан үнэртэй, гөлгөр гадаргуутай, шар ус багатай тараг бүрэлдэх нөхцлийг компьютер програмчлалаар нарийн тохируулж өгсөн нь нэн онцлогтой юм.

4. Талбай бага эзлэх бөгөөд дижитал дэлгэцэн дээрээс тараг бүрэлдэх явцыг бүрэн хянах боломжтой.

1. Исгэлт: "Ferment" гэсэн товчлуур дээр дарахад исгэлтийн процесс автоматаар явагдаж эхлэх бөгөөд камерийн халаалт агаарын эргэлтийн сэнсээр тархаж, 45 хэм хүртэл микро орчин бий болно. Температурын тохиргоог хийх шаардлагагүй. Энэ үйлдэл автоматаар явагдвал тараг исэх процесс ухаалгаар хийгдэнэ.

2. Исэлт дуусах шат: Дэлгэцэн дээр исэлт явагдаж дуусмагц, Ferment үйлдлийн гэрэл асаалттай байх бөгөөд исэлт дуусан тухай индикатор нэмж асна. Энэ үед хаалгыг онгойлгон хөргөлтийн камер руу исэж дууссан тарагыг шилжүүлж болно.

3. Дараагийн шинэ тарагыг бүрэхийн тулд Ferment үйлдлийг унтраан, дахин "Ferment" гэсэн товчлуур дээр дарна.

4. Ариутгал: "Ferment" гэсэн товчлуур дээр дарж исгэлтийг эхэлмэгц ариугал хийх процесс автоматаар явагдаж, саван дотор байгаа шинэ сүүг ариутгана. Хэт яргаан туяа савыг нэвт шарж дотор нь байгаа элдэв нян бактерийг 10 минутын турш ул мөргүй устгал хийдэг.

Тараг хийх аргачлал

1000 мл цэвэр сүүнд 1 гр тараг бүрэлдүүлэгч нунтаг хийж хутгана. Исгэлтийн процесс 8 цаг явагдаж дуусах бөгөөд бэлэн болсон тарган дээр нунтаг элсэн чихэр, жимс, варень, зөгийн бал зэрэг бусад амт үнэр оруулагч хийж өгнө. Амтласан тараг 8 цагийн турш дур булаам амт үнэрээ сайхан хадгалдаг. Харин амталсан таргаа удаар хадгалахын тулд хөргөгчинд хийх буюу эсвэл хөлдөөж болно

Жимстэй тарганд дурлахгүй хүн гэж үгүй.

Энэ төхөөрөмж нь фермерийн аж ахуйгаас шууд нийлүүлэгдэж байгаа цэвэр сүүг ариутгана.

Үл зэврэх гангаар хийсэн төмөр бидон хэрэглэх нь сүү болон тарагны чанарыг алдагдуулахгүй.

Таргыг зайрмагжуулах машинд оруулаад амтлаг сайхан зайрмаг хийж болно.

Тарагны жигнэмэг бэлтгэх арга

Зайрмагны жигнэмэг хэвлэгч: Үнэ: 80 юань

Зайрмагны жигнэмэг шарагч: Дан шарагч үнэ: 660 юань, Хос шарагч үнэ: 940 юань. Энэ шарагч дээр зайрмагны жигнэмэгийг бэлтгэж, аяга хэвлэгчээр амархаан зайрмагны аяга хийж болно.

Энд жигнэмэг шарагч машинаар хийсэн эцсийн бүтээгдэхүүнээр хэрхэн тарган зайрмаг бэлтгэсэн байгааг танилцуулав.

Элгэн таргыг янз бүрийн амталгаатайгаар нэг удаагийн хуванцар аяганд хийж өгөх нь хамгийн энгийн арга юм.

Тараг нь төрөл бүрийн жимстэй хамгийн сайхан зохицож чаддаг идээ юм.

Өлссөн үед тарагтай талх идэхэд өдрийн өл даачихна. Өөрийн өртөг багатай энэ тарагтай бургерийг оюутны хотхонд худалдах юм бол цаг нартай уралдаж явдаг оюутан залууст маань хамгийн шим тэжээлтэй хоол болно. Оюутны хотхоны гуанзанд зардаг пирошкиноос хамаагүй дээр бөгөөд үнэ хямд болно.

Төрөл бүрийн амталгаатай таргыг бэлэн хоолны саванд хийж аятайхан хаяг хийгээд супер маркетуудаар худалдах нь хөгжингүй орнуудад ихээхэн дэлгэрсэн бизнес болоод байна.

Таргыг төрөл бүрийн жимсээр амтлахаас гадна зөгийн бал, чацарганы сироп, шоколод, самарын үр зэргээр амтлабал эрүүл мэндэд тустай.

Тээврийн зардал: Үйлдвэрээс Эрээн хот хүртэл тээврийн зардлыг захиалга хийх үед жич тооцно.
Баталгаа: Үйлдвэрээс тоног төхөөрөмж ачигдсан өдрөөс эхлэн нэг жил.

1. Үйлдвэрлэгч тус сайтад бараа бүтээгдэхүүний мэдээллээ төлбөртэйгээр тавьж, манай гэрээт нийлүүлэгч болсон тул бид танаас зуучлалын хөлсгүйгээр үйлчилгээ үзүүлнэ.
2. Та манай сайтын хаягаар бидэнд шууд хандан үйлдвэр дээр нь өөрийн биеэр зочилон очиж үйлдвэрлэлийн үйл ажиллагаатай танилцах, тоног төхөөрөмжийн судалгаа шилэн сонголт хийх, орон нутгийн болон дотоодын стандартын дагуу өөрчлөлт хийлгэх, хэсэгчлэн худалдан авалт хийх, хүчин чадлыг нэмэгдүүлэх зэрэг шаардлагын дагуу захиалж болно.
3. Бид танд замчлах, хэлмэрчлэх, гэрээ байгуулах ажилд тань хөндлөнгийн хяналт тогтоон баталгаажуулах, эрсдэлээс хамгаалах, тээвэрлэлт хийх зэрэг худалдааны ажилд тань туслалцаа үзүүлнэ.

Залууст хүргэх бизнес санаа: Хүчирхэг сумын төв

tonshuul — Fri, 24 Mar 2017 01:28:25 -1100

СУМ ЫН ТӨВД АМЬДРАЛ АЛГА.

"Сумын төвд бизнес хийх үнэхээр хэцүү байна” гэж Сумын дэлгүүрийн эзэн дүү маань надад гомдоллов. Сумын төвийн цорын ганц бизнес бол дэлгүүр л болчихоод байгаа өнөө үед би түүнд арай өөр санал дэвшүүлсэн юм.

Сумын төвийн мянга хүрэхгүй иргэдийн халаасны мөнгийг өрийн дансандаа бичиж суухаар сумандаа байгаа түүхий эдийг боловсруулах үйлдвэрлэлийн талаар ярьж, түүнд:

- Чи буруу л тогоо руугаа өнгийгөөд байна даа! гэж хэлээд дараах зөвлөмжийг өгсөн юм.

СУМ БОЛ АВАРГА ТОМ ГРУПП КОМПАНИ

Сумын төв гэдэг бол агуу том газар нутагтай, мянга мянган малтай, хүний нөөц сайтай аварга том групп компани гэж ойлгож болно.

Харин Сумын дарга Мөнгө босгох арга ухаан сайтай хүн байх юм бол Монголын сумууд хөгжилд маш ойрхон байна.

Өнөөдөр сум маань "Хэрэглэгч сум" болчихсон учраас ядуураад байгаа юм. "Үйлдвэрлэгч сум” болохын тулд 180 сая төгрөг байхад л хангалттай.

Би энд өчүүхэн хөрөнгөөр сумаа баян сум болгож чадсан ӨМӨЗО-ны Шилийн гол аймгийн сумын дарга Сэцэнхүүгийн тухай бизнес нийтлэлээ танд хүргэмээр байна.

Тэрээр Сумын дарга болохдоо нэн ядуу сумыг хүлээн авсан юм. Гэвч "Ядуурал гэдэг мөнх оршдоггүй юм” гэдгийг батлаад зогссонгүй "Мөнгийг мөнгө биш, ухаан босгодог юм” гэдгийг 3 хан жилийн дотор яруу тодоор харуулсан юм.

Сэцэнхүү "Зарааны тосыг загас тос болтол” итгүүлж чаддаг сүйхээтэй залуу байв.

СУМ ХӨГЖҮҮЛЭХ ХОЛБОО БАЙГУУЛАХ НЬ

Сэцэнхүү сумын даргын эрхэм албыг хүлээн авмагцаа нутгынхаа оюунлаг уугуул иргэд болон Гацааны (манайхаар бол Баг юм) дарга нараа цуглуулан зөвлөлдөж, "Сум хөгжүүлэх Холбоо” байгуулжээ.

Сумын оюунлаг уугуул иргэд гэдэг нь Хятад улсын томоохон хотуудад төрийн өндөр албан тушаал хашигчид, эрдэмтэд, бизнесменүүд байлаа. Тэд бүгд төрсөн нутагтайгаа сэтгэлийн уяатай хүмүүс. Ямар ч төслийг сэтгэлээрээ дэмжихэд "БЭЛЭН” халуун сэтгэлтэнүүд. Тэдний оюуны хөрөнгө оруулалт суманд үйлдвэрлэл явуулахад ихээхэн түлхэц болж өгсөн байна.

Сэцэнхүү дарга "Сум Хөгжүүлэх Холбоо"-ныхоо удирдах зөвлөлийн гишүүдийг 5 хүний бүрэлдэхүүнтэй байгуулсан бөгөөд түүнд:

Хуульч
Хүнсний технологич
Зоо техникч
Тоног төхөөрөмжийн инженер
Эдийн засагч гэсэн мэрэгжлийн хүмүүсийг сонгожээ.

Аливаа үйлдвэрлэл явуулахад эдгээр мэрэгжлийн хүмүүсийн оролцоо хамгийн их байдаг.

Харин Сэцэнхүү дарга маань "Сум хөгжүүлэх Холбоо”-ны Хяналтын зөвлөлийн гишүүн болсон бөгөөд Холбооныхоо үйл ажиллагааны цар хүрээг нь тэлж, санхүүгийн болон санхүүгийн бус дэмжлэг авах зорилгоор нутгийн оюунлаг уугуул иргэдийн оролцоотой "Эрдмийн зөвлөл”-ийг байгуулсан байна.

Аливаа үйлдвэрлэл түүхий эдийнхээ бааз суурин дээр тулгуурлаж амжилттай хөгждөг. Түүхий эдийн нөөцгүй газар үйлдвэр барьдаггүй шүү дээ.

Мах, сүү, ноос, нэхийний түүхий эдийн шавхагдашгүй зөвхөн нөөц суманд л бий.

Сэцэнхүү сумандаа мөнгө босгож, чинээлэг иргэдийн давхаргыг бий болгохын тулд түүхий эд дээрээ түшиглэн, мах, сүү, ноос, нэхий боловсруулах үйлдвэрлэлийг байгуулах Бизнес төлөвлөгөө боловсруулсан байна.

Тэдний төслийн анхны хөрөнгө оруулалт 500 мянган юань буюу манайхаар 180 сая төгрөг байхад л хангалттай байв. Гэвч Сэцэнхүүгийн суманд энэ хөрөнгө байхгүй.

"Сум хөгжүүлэх Холбоо” төслөө банкинд танилцуулж, нилээн хатуу нөхцөлтэйгээр зээл авахаар тохиролцжээ.

Энэ мөнгийг маш хурдан хугацаанд босгож, банкны зээлийг төлж чадах юм бол сумын хөгжлийн ирээдүй гэрэлтэх нь мэдээж.

Сэцэнхүү дарга эрх мэдлийн дагуу "Сум хөгжүүлэх Холбоо”-ны ажлыг төр захиргааны зүгээс нь дэмжиж, дотоод хэрэгт нь оролцохгүйгээр Хяналт тавин ажилладаг байв.

"Сум хөгжүүлэх Холбоо”-ныхон эрсдэлээс хамгаалах сан үүсгэж 160 мянган юаны хадгаламжтай болж, үлдсэн 340 мянган юаниар дараах тоног төхөөрөмжүүдээс тус тус 5 иж бүрдлийг худалдан авчээ.

ТОНОГ ТӨХӨӨРӨМЖИЙН МЭДЭЭЛЭЛ

1. Мах сүү боловсруулах иж бүрэн үйлдвэрийн тоног төхөөрөмж (5 иж бүрдэл)

Жич: 1 юань = 360 төгрөг гэсэн ханшаар бодов.

2. Ноос, нэхий боловсруулах үйлдвэрийн тоног төхөөрөмж (5 иж бүрдэл)

Жич: 1 юань = 360 төгрөг гэсэн ханшаар бодов.

Эдгээр үйлдвэрлэл нь өрхийн зориулалттай бөгөөд эхнэр нөхөр хоёр л ажиллахад болно.

Холбооны Удирдах зөвлөл хуралдан дээрхи 10 тоног төхөөрөмжийг олон малтай ажилсаг иргэдэдээ зээлээр өгч, нэг жилийн хугацаанд үйлдвэрлэлийнх нь ашгаар эргүүлэн төлөх нөхцөлтэйгээр гэрээ байгуулсан байна. Иргэдэд өгөх зээлийг бэлэн мөнгөөр бус тоног төхөөрөмжөөр өгсөн нь тэдний амжилтын эхлэл болсон юм.

Ийнхүү суманд мах сүү боловсруулах 5 үйлдвэр, Ноос нэхий боловсруулах 5 үйлдвэр байгуулагдав.

Мөн Холбооны харъяанд "Сав баглаа боодлын үйлдвэр" байгуулсан бөгөөд энэ үйлдвэрт Малчидын үйлдвэрлэсэн эцсийн бүтээгдэхүүнд чанарын шалгалтыг явуулж, Нутгийн брэнд лого бүхий савалгааг хийж сав баглаа боодлоороо нутгийн брэнд үүсгэх замыг зассан байна. График дизайнер мэрэгжлийн хүн Холбооны харъяа сав баглаа боодлын үйлдвэрийн үйл ажиллагааг удирдан ажиллах бөгөөд бүтээгдэхүүний савалгааны дизайн, өнгө үзэмжийг сайжруулах болно.

Сум хөгжүүлэх Холбооний Удирдах зөвлөлийн гишүүд

Удирдах зөвлөл гэдэг бол Сумын жижиг дунд үйлдвэрлэлийг хөгжүүлэхэд нэн их үүрэгтэй байгуулллага юм байна. Үйлвэрлэл явуулахад хамгийн их эрэлттэй мэрэгжлийн туршлага сайтай хүмүүсийг Удирдах зөвлөлд сонгох нь сумын үйлвэрлэлийг эрчимтэй явуулж, чанар сайтай бүтээгдэхүүн үйлдвэрлэх нөхцлийг бүрдүүлнэ. Тухайлбал:

Хуульч мэрэгжлийн гүйцэтгэх захирал – Холбооны өдөр тутмын үйл ажиллагааг удирдаж Холбооны нэрийн өмнөөс гэрээ хэлэлцээр хийнэ.
Хүнсний технологич мэрэгжлийн Тэргүүлэгч гишүүн – Малчидын мах сүүн бүтээгдэхүүн үйлдвэрлэх технологийн зааварчилгаа өгч, чанарын асуудлыг хариуцна.
Зоо техникч мэрэгжлийн Тэргүүлэгч гишүүн - Малын үүлдэр чанарыг сайжруулах, ашиг шимийг нэмэгдүүлэхэд анхааран ажиллана.
Тоног төхөөрөмжийн инженер мэрэгжлийн Тэргүүлэгч гишүүн – Малчидын үйлвэрлэлийн тоног төхөөрөмжүүдийн тасралтгүй ажиллах нөхцөл боломжыг бүрдүүлж, дуудлагаар засвар үйлчилгээг нь хийх, тоног төхөөрөмж дээр ажиллах зааварчилгаа өгнө.
Эдийн засагч – Нягтлан бодогч Тэргүүлэгч гишүүн – Бүх үйлдвэрүүдийн санхүүгийн тайлан тооцоог хөтөлж, орлого зарлагыг хөтлөнө.

Малчидын үйлдвэрийн бүтээгдэхүүний савалгаа хийгдсэн бүтээгдэхүүн Холбооны агуулахаас борлуулагдана. Мэрэгжлийн Хяналтын байгууллагын чанарын шалгалтаар тэнцэж, борлуулалтын хэмжээг нэмэгдүүлэхийн тулд Холбооны гишүүд ажиллах бөгөөд тэдний цалин төрийн албан хаагчдын цалингаас өндөр байхаар тогтоожээ.

Борлуулалтын орлогын 60-80 хувь нь үйлдвэрлэгч-малчдын дансанд шилжиж, үлдсэн хувь нь зээлийн төлбөр болно. Холбоо сав баглаа боодлын үйлдвэрийнхээ орлогоор санхүүжнэ.

Сайн бараанд хил хязгаар гэж байдаггүй. Ямар ч байсан Сэцэнхүү дарга сайн баг бүрдүүлж чадсан нь түүний амжилтын түлхүүр байлаа.

СЭТГЭЛ ЭМЗЭГЛЭМ АСУУДАЛ

Би 2016 оны 11 сарын 26 өдөр Дорноговь аймгийн Бизнес эрхлэгчидийн Зөвлөгөөнд урилгаар очиж илтгэл тавьлаа. Энэ зөвөлгөөн дээр миний сонссон сэтгэл эмзэглэм нэг асуудал байсан нь Дорноговь аймаг өнгөр жилүүдэд "Сум хөгжүүлэх сан"-аар дамжуулан 14.8 тэрбум төгрөгийн зээл олгожээ. Гэтэл энэ мөнгө одоо хүртэл төлөгдөөгүй байгаа нь харамсалтай.

Хэрэв энэ мөнгөөр орон нутагт үйлдвэрлэл байгуулсан бол 1345 үйлдвэр оруулж ирэх боломж байлаа. Өөрөөр хэлбэл нэг Дорноговь аймгийн 14 сум бүр 100 өрхийг мах, сүү, ноос, нэхий жижиг үйлдвэрийн тоног төхөөрөмжөөр хангах боломж байсан юм.

Гэтэл миний сууж байсан Их Соён зочид буудлын дэргэдэх арьс шир, нэхий авах цэг дээр Хонины нэхий өлөнтэйгээ 1500 төгрөгөөр худалдан авч байх юм. Гэтэл энэ нэхийний үнэ биш гэнэ. Ченжүүд өлөнг нь 1500 төгрөгөөр аваад нэхийг нь хаядаг гэнэ. Энэ бол гашуун ҮНЭН.

Зураг дээр: Шөнийн 24 цагт. Сайншанд хотын Их Соён буудлын дэргэдэх нэхий авах цэг дээр. Энэ нэхийг тоож авах хүн байхгүй болохоор шөнөдөө ингээд хаячихсан байсан. Манай Монгол үнэхээр ЦАМААН байна аа.

Нэхий боловсруулах үйлдвэрлэлийн талаар бяцхан тооцоо хийе. Түүхий эд нь үнэгүй болчихсон нэхий маань элдэж боловсруулалт хийсний дараа 35000 төгрөгийн үнэтэй болдог.

Нэхий боловсруулах үйлдвэрийн тооцоог нэг сараар хийе.

1.	Цахилгаан зарцуулалт (Нэг сард 1320 квт/цаг)	330000 төгрөг
2.	Хоёр ажилчины цалин (Тус бүр 1 сая төгрөгийн цалинтай)	2000000 төгрөг
3.	Идээлүүлэх материалын үнэ. (Ойролцоогоор Нэг сая төгрөг гэж бодъё)	1000000 төгрөг
4	Угаалгын материалын материалын үнэ. (Ойролцоогоор Хоёр сая төгрөг гэж бодъё)	2000000 төгрөг
5	Нийт орлого (Өдөрт 100 нэхий элдэнэ.)	105 сая төгрөг
	Ашиг	100 сая төгрөг

Ингээд л тархи руу харвачихсан ашиг харагдаад байгаа юм даа.

http://terbumtan.com

Судалгааны ажил гүйцэтгэх санал

tonshuul — Mon, 06 Apr 2015 23:20:32 -1100

СОНГУУЛЬД НЭР ДЭВШИГЧИЙН ХУВИЙН ИМИЖМАКИНГ, PR АЖИЛЛАГААНД ШААРДЛАГАТАЙ СУУРЬ СУДАЛГААГ ГҮЙЦЭТГЭХ ТОВЧ САНАЛ

tonshuul — Mon, 06 Apr 2015 23:17:13 -1100

БЯСАЛГАЛ, СҮНС, СЭТГЭЛ СУДЛАЛЫН PR КОНЦЕПЦИ

tonshuul — Mon, 06 Apr 2015 23:14:00 -1100

БИЗНЕСИЙН УХААЛАГ МЭДЭЭЛЛИЙГ СУДЛАХ НЬ (Business Intelligence)

tonshuul — Mon, 06 Apr 2015 22:54:32 -1100

Монгол улсын их дээд сургуулиудын компьютерийн ухааны чиглэлээр дээд боловсролтой мэргэжилтэн бэлтгэх сургалтын хөтөлбөр, олон улсын туршлага, хандлага

tonshuul — Mon, 06 Apr 2015 22:53:08 -1100

Менежментийн Мэдээллийн Системүүд

tonshuul — Mon, 06 Apr 2015 22:47:10 -1100

Сүм хийдийн зах зээлийн судалгаа

tonshuul — Mon, 06 Apr 2015 22:43:03 -1100

ISO гэж юу вэ?

tonshuul — Mon, 06 Apr 2015 22:40:16 -1100