Монгол цагаан идээг шинжлэх ухаан, уламжлалт аргаар боловсруулж цагаан идээний цугуулга ирис чихэр, мармелад, чанамал, хатаамал, хүнсний ундаа тансаг сайхан бүхнийг хийж болно.

Айраг, тараг, ааруул, ээзгий, тос өрөмний байгалийн анхилуун сайхан үнэр, өнгөлөг эслэг амт чанар, тос даасан шинэлэг байдал нь алдагдахад хүрч байгааг хэн хүнгүй мэдэрч байгаа. Зөвхөн дулааны улиралд үйлдвэрлэдэг хүнс идээ гэх ойлголт байдаг бололтой.

Харин өвлийн цагаан идээ, амт чанар тослог хэт эсгэлүүн биш хэрэглээний хувьд ч илүү ач холбогдолтой байдаг.

Монголчууд бид цагаан идээгээ дэлхийн зах зээлд өрсөлдөх чанарын шинэлэг бүтээгдэхүүн хийхэд юу нь болохгүй билээ. Иймд цагаан идээг үйлдвэрлэж өрх гэрийн нөхцөлд хэрхэн боловсруулах талаар Д.Цэвэглхасүрэн гуай дээрх зөвлөгөө өгч байна.

Цагаан идээ хийх аргууд

Өрөм

Хувинд саасан түүхий сүүг нарийн шүүлтүүрээр шүүж тогоонд юүлээд зөөлөн галаар халааж, дөвийж эхлэнгүүт нь сэвсийж хөөсөртөл олон удаа самарч, зөөлөн галын цог дээр өрмийг шаргалтаж цоорхорттол нь байлгана. Дөвийлгөх сүүний галыг сүүгээ даргилж дэвэргэхгүйгээр жигдхэн түлж 2-3 удаа хөөргөсөн сүүг зөөлөн гал дөвийлгөхөд өрөм, шаргал өнгийг олж зузаарна. Сүүг ингэж хөөрүүлж загсаахад хаврын хар, намрын улаан аргал түлбэл цогшилт сайтай, нэн тохиромжтой байдаг. Намар, өвлийн сүүний өрөм хуруу илүү зузаан, цөцгийн тогтоц ихтэй байдаг.

Тараг

Халааж буй сүүндээ ядам хуруугаа дүрэхэд халахуйц буюу 40-50 хэм халааж тусгайд нь зуурч бэлтгэсэн хөрөнгийг нэмж сайн хутгаад 35-40 хэмийн дулаан газарт хучиж 2-3 цаг хөдөлгөөнгүй байлгаж таргийг бүрэлдүүлнэ.

Ингэж бүрсэн элгэн таргийг идэхэд бэлэн болгож хөргөнө.

Ааруул

Буцалгасан тараг, нэрмэлийн цагааг тусгай уутанд шүүж аарц гаргаж авна. Уг аарцыг бага зэрэг сүүгээр амталж, хүчлэгийг нь багасган базаж, шахах, шүүх зэргээр нягтруулж ааруул хийдэг. Сайн шахаж шүүсэн аарцаар сүүн хурууд, зоосон, хорхой ааруул тусгай хэвэнд шахаж мойл, үзэм, чихэр, вареньтай холих замаар олон төрлийн ааруул хийдэг.

Ээзгий

Ээзгийний эх ээдмийг гаргахдаа тогоотой халуун сүүнд тараг, цагааг багахан хийж, зуугуухан халааж ээдүүлдэг, ээдүүлэгчээ /тараг, цагаагаа/ сүүндээ тохируулбал ээдэмний гарц арвин байна. Уг ээдмийн шар сүүг зөөлөн галаар ширгээн буцалгаж ээзгийг бэлтгэнэ. Сайн зөв ширгээсэн ээзгий буурал, улаан бор, шар зэрэг өнгийг олж амт сайхан болно. Бэлтгэсэн нойтон ээзгийг нар салхинд хатааж удаан хадгална.

Хорхой ааруул

5-10 л сүүгээр бүрсэн таргаа 1-2 минут орчим буцалгаж, цоохор сийргэн даавуу уутанд хийж шар сүүг сайн шүүрүүлэх буюу ээдмийг шахаж, ааруул хийхэд бэлэн болгоно. Ингэж бэлтгэсэн 1-2 кг аарцан дээрээ хуурсан дээд гурил 50-100 г, элсэн чихэр 150-200 гр, ванелин 15 грамм хийж хутгана. Бэлтгэсэн хольцоо хэвээр хэвлэж дэлгэц дээр тавьж сүүдэр салхитай газарт сэврээж хатаана. Хатаахдаа дээр нь маарал тавивал зохино.

Шар, цагаан тос

Зун, намрын туршид ваар, шил, палантай хувин, торх, гүзээнд хурааж тордож хадгалсан эсгэлэн өрмийг зөөлөн галаар хайлуулж, шар цагаан тос гэдэг хоёр төрлийн цагаан идээ бэлтгэдэг. Хайлж шарыг нь авсан өрмөндөө сүүтэй цай юмуу халуун сүүнд 4-5 цаг дэвтээсэн ээзгийг холиод багавтар элсэн чихэр, гурил нэмнэ.

Намар бэлтгэсэн гүзээ, давсаг, олгойг сайн дэвтээж, угааж цэвэрлээд хольж бэлтгэсэн шар, цагаан тосоо тэдгээрт бүлээвтэр үед нь хийж дүүргээд амсрыг боож царцаан олон сараар хадгалж хэрэглэнэ. Цагаан тосоо хэсэг хэсгээр нь авч хэрэглэхдээ мэхээр, уулын цагаан төмс, мойл, өрөл, элсэн чихэр зэрэгтэй хольж улам амтлаг хүнс болгон хэрэглэж болно.

Айраг ундаа

Шинэхэн бүрсэн таван литр тарган дээр, буцалсан цэвэр таван литр ус, элсэн чихэр 300 гр хийж 2000-3000 удаа бүлээд 2-3 хонуулахад уруул чимчигнүүлсэн, дээгүүр нь шар тос хөвсөн сайхан айраг болдог. Ийм төрлийн идээ ундааг аль ч улиралд ялангуяа өвлийн улиралд хийж хэрэглэж болно.

Сүүн хурууд

Сүүн хуруудыг оройн саасан сүүгээ зэвэрдэггүй никель буюу паалантай цэвэр хувин саванд хийж дулаавтар байранд хонуулахад өглөө нь дутуу гашилж элгэн бүрэлдэнэ. Энэ сүүн дээр өрөмтсөн зөөхийг хаман авч ширмэн тогоонд сүүгээ хийж зөөлөн галаар халаахад ээдэмцэр үүснэ. Шар сүүг нь шавхаж аваад үлдсэн ээдэм дээр шинэхэн зөөхий нэмж дахин халааж тос даатал нухаж элсэн чихэр ёотонг нунтаглаж амтыг тааруулаад бутарч задрахгүй болтол нухан хавтгай модон дээр дэлгэж сэврээнэ. Ингэж бэлтгэж сэврээсэн аарцнаас хуруудаа дугуй, дөрвөлжин, гурвалжин хэлбэртэй /утсаар/ зүсч эсвэл янз бүрийн хэв шахуурганд хийж дэлгэц дээр тавьж хатаана. Ингэж чихэр, цөцгий амтагдсан зөөлөн цагаан, сүүн хурууд хийдэг. Сүүн хуруудны өнгө, амт чанарыг зөөхий хольж, халаалтын хэмжээгээр тохируулдаг.

Шар тос

Ариун цагаан сүүний шимийн шар тосыг айраг өрөмтэй хоёр аргаар ялгаруулж авдаг. Зун, намар хураасан өрмөө хайлж шахан тунгаан авсныг өрөмний, эссэн айргийг бүлж ягааруулж авсныг айргийн шар тос гэдэг.

Шар сүүний мармелад

Шар сүүгээр мармелад хийх нь 400 гр шар сүүнд 100 гр желатин хийж хоёр цаг дэвтээнэ. Дахиад нэмж 600 гр шар сүү, 400 гр элсэн чихэр, нэг уут ванилин хийж зөөлөн галаар 10 орчим минут буцалгаж хутгана. Дээр нь жимсний шүүс нэмж хийгээд хэвэнд царцаана.

Шар сүүний ирис

Шар сүүнд 500 гр саахар 15 гр крахмал 20 гр хуурсан гурил 15 гр ванилин хийж сайн хутгаж холиод зөөлөн гал дээр 1-2 цаг буцалгаж тогтмол хутгана. Желатинаа урьдчилан 100 гр шар сүүнд дэвтээж уусгана.

Сүүн хөөмөл

Сүү 400 гр, гурил 500 гр, өндөг дөрвөн ширхэг, элсэн чихэр хоолны хоёр халбага, бүлээн сүүнд 25 гр дрож хийж 20-30 минут байлгана. Түмпэнд 500 гр шүүрээр сэгсэрч хийгээд голд нь сүүтэй дрожоо хийнэ, дараа нь дөрвөн ширхэг өндөгний шаранд хоёр хоолны халбага элсэн чихэр хайлуулж хийнэ. Дахин 150 гр бүлээн сүү хийж сайн базаж зуурна. Шингэвтэр болтол сайн нухаад дараа нь 100 гр цөцгийн тосоо хайлуулж хийнэ. Мөн 50 гр архи нэмж хийж шингэтэл нухна. Зуурмагаа 40 минут орчим амрааж хөөлгөнө.

Монгол бяслаг

10 литр сүүг 80-90 хэм халааж исгэлэн ихтэй аарцыг шар сүүгээр ээдүүлнэ. Ээдмийг 1-2 удаа зөөлөн хутгаад даавуунд ороож боогоод хэвлэж ээдэм дээрээ хүнд даралт өгөхөөр юм тавьж шар сүүг нь шахна.

Аарцан жигнэмэг

Орц хоёр ширхэг өндөг, хоолны гурван халбага гурил, өөрийн амтны хэмжээгээр давс, хоёр хоолны халбага ургамлын тос буюу маргарин. Эхлээд түмпэн эсвэл задгай амтай саванд аарц өндөгний шар, гурил, давсаа хийж сайтар хутгана. Дараа нь хөөсрүүлж хутгасан өндөгний цагааныг хийж зуурмагаа зуурна. Зуурмаг хэт хатуу байж болохгүй, зуурмагнаасаа багавтар тасалж аваад хэв хэлбэр оруулж хуурай гурилд өнхрүүлж тослож халаасан харуулын тавагт хийж шаргал өнгөтэй болтол шарна. Жигнэмгээ таваглахдаа бага зэрэг элсэн чихрийн нунтаг цацаж багахан цөцгий дуусаах.

Тараг, луувангийн шүүстэй коктейль

200 мл сүү, 200 мл луувангийн шүүс, 500 гр таргаа холигчоор 30 секунд хутгаж бэлэн болгоно. Yүний дараа буузны гурил шиг тасалж, дотор нь бага зэрэг жимсний чанамал хийж чимхэнэ. Ингээд дахин 40 минут тавьсны дараа сайн хөөж эхлэхэд тосолж халсан тогоонд хийж хайрна.

Какаотой сүү

Орц нэг литр сүү, 50 гр элсэн чихэр, 20 гр нунтаг какао 800 гр, түмпэнд какаогоо хийж сайн хутгаад гал дээр тавьж, буцалтал нь хутгана, таргаа хийнэ.

Гүзээлзгэнэтэй ундаа

750 гр тараг, 1/8 литр сүү 200 гр гүзээлзгэний шүүс эсвэл чанамал. Тараг сүүгээ хольж сайтар хутгаж гүзээлзгэний шүүс эсвэл чанамлыг хийж сайтар хутгахад ундаа бэлэн болно.

Зөгийн балтай сүү

Нэг литр сүү, 50 гр зөгийн балыг сүүгээ халаагаад дээр нь балаа хийж уустал нь хутгаад дээр нь балаа хийж уустал нь хутгаад ундаа бэлэн болно.

Өндөгтэй сүү

Нэг литр сүү, хоёр ширхэг өндөгний шар, 30 гр саахар, 10 гр ванилинийг буцаж буй сүүн дээрээ өндөгний шар, саахар ванилинаа нэгэн жигд болтол нь хутгаад амт ортол нь саахар нэмж ундаа бэлэн болно.

Жимстэй сүү

Нэг литр сүү, 200 мл жимсний сироп, нэг литр хүйтэн сүүн дээр 200 мл жимсний сироп хийж сайтар хутгана.

Сүүг нөөцлөн хадгалах

1. Хөлдөөж хадгалах.

Сүүг гүзээ, түмпэн сав тогоонд хөлдөөж хадгална. Ил хөлдөөж хадгалсан сүү урь идэж чийгээ алдсанаас хүйтэн усанд хийж задартал нь сайн самарч чанахгүй халуун усанд хийж хайлуулбал ээдэм болон тунаж цайг сүлж чаддаггүй. Ийм учраас ил хөлдөөж урь идүүлэхгүй байхын тул хөлдөөсөн сүүг усанд дүрж гадуур мөсөн бүрхүүл тогтоож хадгалбал урь идэлтээс тодорхой хугацаагаар хамгаалж чадна.

2. Хатааж хадгалах арга.

7 сарын сүүлчээс 8 сарыг дуустал хонины сүүг сайтар цэвэрлэж боловсруулсан гүзээнд хийж газар нүхэнд үнсэнд булна. Гүзээний ханаар нэвчсэн шүүсийг үнс шингээж сүү өтгөрнө. Ингэж өтгөрсөн сүүний шингэнийг ууршуулан хатааж монгол цөрөм болгож нөөцөлдөг.

3. Хуурайшуулж хадгалах арга

Үйлдвэрийн аргаар хуурай сүү хийхэд шүүж цэвэрлэх, ариутгах, урьдчилан өтгөрүүлэх зэрэг бэлтгэл ажил хийнэ. Хуурай сүүг хүрдэт гол дээр хатаах, тоосруулах аргаар хатаах, субилмацийн аргаар хатаах гурван янзын технологиор үйлдвэрлэнэ. Хүрдэт гол дээр хатаахдаа дундуур нь халуун уур гүйлгэж 140-150 хэм халаасан булны гадаргууд өтгөрүүлсэн сүүг шүршиж хатаана. Хүрд минутад 15 орчим эргэх бөгөөд хатаасан сүү хүрдний хооронд шахагдан нимгэн тууз маягтай урсах бөгөөд түүнийг дараа нь буталж нунтаг болгоно.

Энэ аргаар хийсэн сүү металл гадаргууд шууд харьцах учир сүүний уургийн бүрэлдэхүүнд өөрчлөлт орж эргэж уусах чанар муу байдаг.

4. Тоосруулан хатаах арга

140-150 хэм халуун өтгөрүүлсэн сүүг шүршиж хатаах зарчимд үндэслэнэ. Энэ аргаар хийсэн сүүний чанар онцгой өөрчлөлт ордоггүй. Хуурай сүүг сэргээхдээ 45 хэм бүлээн усанд уусгаж 3-4 цаг байлгахад сүүний уураг хөөж хэвийн байдалд ордог.

5. Химийн арга.

Устөрөгчийн хэт ислийн тусламжтайгаар сүүг гашилгахгүй удаан хадгалж болно. Мөн биомицин, давс, хужир зэргийг ашиглан тодорхой хугацаанд гашилгахгүй хадгалдаг арга бий.

6. Шингээж хадгалах.

Сүүнд шар будаа чанаж сүүг ширгэтэл буцалгана. Дараа нь будааг эврээж хатаагаад уут савд хийж хадгална. Ингэж шар будаанд шингээсэн сүүг хар цайд хийж уухад сүүтэй хийцтэй цай мэт амттай сайхан болдог.

Цагаан идээний гайхамшиг

Монголчууд буянт малынхаа ашиг шимийг хүртэж, цагаан идээгээр хооллож ирсэн уламжлалтай билээ. Цагаан идээ хүний биед тал бүрийн ашигтай.

Хүний шүд эрдэс бодисоор бүрэн хангагдаж байж бат бөх чанартай байна. Шүдний эрдэс бодис нь хүнс тэжээлээр орсон бодисын чанар, бүтэц найрлагаас хамаараад зогсохгүй, тухайн хүний бие махбодын бодисын солилцоотой холбоотой. Шүд нь шууд шүлсний найрлагаас эрдэс бодисоор цөгцөн хэсгийн паалангаар нэвчүүлэн авдаг. Бодисын солилцоогоор сурвалж хэсгийн цусан хангамж лимфийн солилцооны дүнд үүссэн эрдэс уураг бодисоор тэжээгддэг. Шүд эрүүл бат бөх байхад сүү цагаан идээ ач холбогдолтой болохыг бид мэднэ. Учир нь сүү цагаан идээнд шүдэнд нэн хэрэгтэй бактери устгагч, өвөрмөц кальци, кали ихээр агуулагддаг.

Тараг

Тараг нь амны хөндийн хүчил шүлтийн тэнцвэртэй байдлыг хангаснаар эмгэг төрөгч үржих нөхцөлийг саатуулдаг.

Ааруул

Ааруулыг сайтар зажилж идэхэд шүдний бөх бат байх нөхцөлийг бүрдүүлж, цусан хангамж сайжруулахад чухал нөлөө үзүүлнэ.

Ээзгий

Ээзгийг мөн зажилж идэхэд цавуулаг наалдамхай чанар нь шүдний өнгөрийг арилган цэвэрлэдэг. Дашрамд сонирхуулахад шүдний өнгөрийн 70 хувийг нян эзэлдэг ба нэг мг өнгөрт өвчин үүсгэгч 250 сая нян агуулагддаг байна.

Бяслаг

Бяслаг мөн шүд цэвэрлэж гялалзуулах гайхамшигтай нөлөөтэй. Ер нь ааруул, ээзгий зажилж идэх нь эрүүний ясны өсөлтөд нөлөөлж Монголчууд өргөн шанаатай, эрүүний өсөлт сайтай, хаш цагаан, том шүдтэй байсны бас нэг гайхамшиг гэж үзэх бүрэн үндэстэй юм. Тиймээс танан цагаан шүдээ эрүүл бүтэн байлгахад хүн бүр багаасаа анхаарах хэрэгтэй. Орчин үеийн хүнсний ихэнх бүтээгдэхүүн шүдэнд халтай болсон тул хүүхэд багачуудын шүд "усанд уусах сахар" мэт хэврэг болж байгаад эцэг эхчүүд анхаарч, амны хөндийн өвчлөлөөс урьдчилан сэргийлж, нүүр ам судлалын мэргэжлийн эмчид хандаж зөвлөгөө авч байх хэрэгтэй.

Сүү

Сүүг өдөрт нэг аяга уухад хоногийн кальцийн хэрэгцээ хангагдаж амны хөндий дэх ашигтай микроплорын лактай бактери үржиж сүүний хүчил үүссэнээс гэдэсний савханцар, гэдэсний балнад, цусан суулгын савханцрын үржлийг зогсоодог.

Үнээний сүү

Үнээний сүү нь сэрүүн чанартай. Буцалгаж уухад толгой эргэх, ядрах, цэртэй ханиах, уушигны архаг гэм, шарлах, чихрийн шижин, зэрэг өвчнийг эмчлэхэд тустай. Хоол шингээлтийг сайжруулж, нойр хүргэнэ. Гуч хоногийг нэг хугацааны эмчилгээ болгон өглөө бүр өлөн элгэн дээрээ үнээний 200 мл халуун сүү уувал цус, улаан бөөмийн хэмжээ нэмэгдэж цус багадах, шим тэжээл дутагдах өвчнийг анагаана. Мөн өглөө бүр 250 мл шинэ сүү, дэвтээж нүдсэн 50 гр газрын самрыг, зөгийн балтай буцалгаж уувал ходоодны үйл ажиллагааг сайжруулна. Өдөр бүр өлөн элгэн дээрээ нэг аяга халуун сүү уухад гэдэсний гүрвэлзэх хөдөлгөөнийг сайжруулж, өтгөн хаталтыг эмчилж чадна. Ханиад болон архаг өвчинд сайн.

Хонины сүү

Амтлаг бүлээн чанартай тул хий дарах, хөлийн бам өвчнийг засах, эмийн хөлөг болгон хэрэглэдэг. Хий өвчнийг дарна. Зүрхэнд муу учир болгоомжтой хэрэглэх нь зүйтэй.

Ямааны сүү

Амтлаг сэрүүн чанартай. Хөөрүүлж уухад хий, бадгана, хүйтнийг арилгаж биеийг чийрэгжүүлнэ. Сайн ширгээж уувал хийг дарж, сэтгэлийг тайвшруулж, цусны даралт ихсэлтийг бууруулахад тустай. Мөн амьсгаадахад ууна.

Гүүний сүү

Амтлаг, хүчиллэг чанартай. Уушигны өвчин, үе мөч хийн өвчнийг эмчилнэ. Айрганд холестериноор хооллодог нэг төрлийн нян байдгийг илрүүлсэн байна. Мөн "цагаан гүүний" саамыг хүмүүс эмчилгээний журмаар өргөн хэрэглэдэг.

Ингэний сүү

Амтлаг бүлээн чанартай тул голдуу чих дүлийрэх, шээс хаагдах, солио өвчин эмчлэхэд тустай бөгөөд могойд хатгуулсан үед угаах, түрхэхэд хорыг сайн тайлдаг увидастай.

Хятадын Хубэй мужын Shennongjia (Хятадаар 神农架 гэнэ) хэмээх зэрлэг онгон байгалыг мэдэхгүй хятад хүн гэж үгүй.  Тэр бол дур булаам балар ширэнгэн ой юм. Ойн эргэн тойронд хүн амьдардаггүй болохоор байгаль нь унаган төрхөөрөө. Иймээс ч зэрлэг амьтан, ургамлын баялаг өлгий нутаг. Яг л манай Хөвсгөл далай мэт алдартай дархан цаазат газар.

Зураг дээр: Хятадын Хубэй мужын Shennongjia -гийн Үндэсний цэцэрлэгт хүрээлэнд

Хүн амьдардаггүй, өндөр шовх оргилтой сүглийн харагдах Шень нүн уулс чимээ аниргүй нойрсож байна уу гэлтэй харагдавч, хамгийн их дуу шуугиантай газар. Тэнд мянга мянган жигүүртэн шувууд өнгө хослон жиргэж, шар үст жижигхэн сармагчин аянчидаар доог тохуу хийн хөгжилдөнө.

Жуулчины баазын тайлбарлагчийн хэлсэнээр 3253 хавтгай дөрвөлжин км талбайг хамарсан энэ аварга уулс эрт цагт далайн ёроол байсан гэлцэнэ. Тиймээс ч уулсын хөрсөнд далайн эрдэс бодис бүхий ялзмаг их байдаг тул зүйл бүрийн ховор эмийн ургамал ургана. Мөн байгалын сонин тогтоц бүхий сүрлэг хадан хясаа нь жуулчидын сонирхолыг ихэд татдаг.

Зураг дээр: Shennongjia -гийн үзэсгэлэнт байгалын тогтоцын нэг чулуун ой.

Эрт цагт хүмүүс энэ ууланд гарч эмийн ургамал их түүдэг байсан бөгөөд эдүгээ нутгийн ардууд эмийн ургамал түүх биш харин тарьдаг. Учир нь дархан цаазат нутгийн ургамал амьтадыг хөндөх эрх хэнд ч байхгүй.

Сүүлийн жилүүдэд аялал жуулчлалын 4 бааз байгуулагдаж, жилдээ давхардсан тоогоор 600 мянган жуулчид хүлээн авч байна.

Миний хувьд Хятадын Нанянь хотод бизнес аялалаар ирээд, хятад найзынхаа зөвлөсөнөөр энэ нутагт очиж үзэх завшаан тохиолдсон юм.

Shennongjia байгалын үзэмжит газраар аялсан минь

Би өглөө эрт 4 цагт автобусаар явах байсан тул би гар утасныхаа сэрүүлгийг тавих санаатай утсаа хартал сүлжээ тасарсан байлаа. Өндөр уулын бүсэд гар утсанд итгэнэ гэдэг бол үлгэрийн далай.

Зураг дээр: Shennongjia уулсын дэргэд орших Muyu хэмээх жижиг тосгон. 

Ямар ч байсан гар утсаа цэнэглээтэй чигээр нь сэрүүлгээ тавиад амрахаар хэвтлээ. Shennongjia нутгийн уулсын дунд орших Muyu хэмээх жижиг тосгонд жуулчидын хөл хөдөлгөөн их байх бөгөөд газар газрын хүмүүсийн эв нэгдлийн цуглаан болсон юм уу гэлтэй.

Зураг дээр: Shennongjia уулсын дундуур урсах Сянг голын дэнж дээр. Цаана харагдаж байгаа цагаан байшинд манай жуулчидын баг буудалласан юм.

Энэ нутаг хэдий онгон зэрлэг ч гэлээ голынх нь усыг шууд ууж болохгүй. Харин манайд бол айх явдалгүй залгиж болно шүү дээ. Өтгөн саглагар ширэнгэн ойгоос эх авсан Сянг голын ус алсад зөөлөн шоржигнохыг сонсох гэж чих тавин хичээсээр байтал нэг мэдсэн чинь унтчихсан байлаа.

Үүрээр дуг нойрны зүүдэн дунд гар утас маань ёртой юм шиг тачигнан, би цочин сэрлээ. "Арай аятайхан зөөлөн аялгуу гар утасныхаа сэрүүлгэнд сонгох минь яав даа" хэмээн өөрөө өөртөө уурлан бухимдаж нэг үзэв.

Өглөө босоод, орчин тойрноо харахад онгон байгалийн гоо үзэмж сэтгэлийг минь сэргээн, уулс, үүлс, манан, тэнгэр дөрөв өнгө зохицон гайхамшигийг мэдрүүлж байлаа.

Зураг дээр: Өглөө үүрээр жуулчидыг авч явах автобуснууд ажилдаа гарахад бэлэн болсон байв. Энд нэг ээлжиндээ 180 жуулчин хүлээн авдаг юм байна.

Өтгөн цагаан манан, хөвчин ногоон уулсыг хараад, "Монгол нутагт минь ийм газар зөндөө л байдаг шүү дээ. Өглөө бүр өрхөө татахдаа харж баясдаг нутгийн минь цэнхэр уулсыг эдгээр жуулчид үзвэл бас л дуу дуу алдан хөөрөн баясах байх даа " гэсэн бяцхан нууцхан атаархал төрж байлаа.

Уулс ороосон өтгөн манан айдас төрүүлж, эгц элгэн босоо шовх уулсын оройд гарсан хүн гэж байдаггүй л байх даа хэмээн бодож зогстол, тайлбарлагч бүсгүй ирээд:

- Танд таагүй байна уу? Тусламж хэрэгтэй юу гэж асуулаа. Ирсэн жуулчид бүгдээрээ энэ нутгийн гоо үзэмжийг хараад баярлан шуугиж байхад би ганцаараа гуниглан зогсож байснаа мэдэрсэн юм. Би тайлбарлагч бүсгүйгээс атаархсан сэтгэлээ нууж:

- Надад энэ уулс нэг л айдастай санагдаад байна гэж англиар хэлэхэд, тайлбарлагч бүсгүй инээд алдсанаа:

- Та яг онож хэллээ. Надад ч бас анх энд ирэхэд их аймшигтай санаддаг байсан. Учир нь би ийм нэг домог сонсчихсон байсан болоод ч тэр үү, их айдастай байдаг байлаа гээд жаахан охин шиг өхөөрдмөөр ход ход инээв. Тэгээд:

- Эрт дээр үед энэ нутагт 2 хүний дайтай өндөр, биерээ битүү хар үстэй, нохой мэт толгойтой мөртлөө хүн шиг хоёр хөл дээрээ явдаг эмэгчин араатан байсан гэсэн. Тэр араатан шөнө болохоор тосгонд ирж, хүүхэд хулгайлдаг. Тэгээд ширэнгэн хөвч рүүгээ аваачаад, амьдаар нь зажилан идэхэд хөх нь саамшиж, зулзага нь цадтал хөхөх сүүтэй болдог байсан гэнэ.

Хэн ч аймшигт араатныг авлах гэж, ширэнгэ ой руу зүглэхгүй. Гэтэл энэ нутгийн оточ Shennong гэгч эр жижигхэн гөлгөнд хортой өвс идүүлээд, өлгийдөөд тавьж гэнэ.

Шөнө болсон хойно өнөөх араатан тосгоны захад ил хэвтэж байсан өлгийтэй хүүхдийг авч явлаа гээд андууран, гөлгийг аваад уулын агуйдаа аваачаад иджээ. Тэр өдрөөс хойш зэрлэг араатан тосгонд ирсэнгүй.

Нутгийн хүмүүс Shennong оточын эмийн увидасыг шагшин магтаж, энэ уулыг түүний нэрээр нэрлэсэн юм гээд богинохон мөртлөө сонирхолтой домог ярьж өгөв.

Түүний домогт өгүүлж байгаа аварга амьтан манайхны Алмасын домогтой тун ижил санагдсан.

Зураг дээр: Шэнь нүн жя нутгийн домогт өгүүлэх аварга араатаны дурсгалын хөшөө.

Бидний сууж явсан автобус далайн түвшинээс 2900 метр өндөрт гараад зогсов. Бид цаашаа явган аялах ёстой. Бид өглөөний цэвэр агаарт орчины байгалыг бишрэн нилээд алхлаа. Зарим жуулчид жижигхэн цахилгаан автобусанд 50 юань төлж уул өөд замаар өгсөнө. Би харин тэднийг дуурайсангүй. Миний хувьд 50 юаньдаа татганасан юм биш л дээ. Амар тайван тамхиа татсан шиг алхах нь сайхан байлаа.

Юм бодчихсон алхаж явтал гэнэт хүүхэд чарлах шиг дуу гарч бөөн бөөн шуугиан дэгдлээ. Гэтэл тэр нь энэ нутгийн эрхэм эзэд нь байсан юм байж. Энд миний үзсэн хамгийн сонирхолтой зүйл гэвэл Алтан үст сармагчингийн сүрэг байсан юм. Хүн төрөлтэй эдгээр сармагчингууд хүн шиг үйлдэл хийж, миний сонирхолыг их татсан. Маш их инээдтэй бөгөөд өхөөрдөм амьтадыг хараад нэг хэсэг алмайрав.

Хамгийн сонирхолтой нь эрэгчин сармагчингууд нь эмэгчинээ булаалцалдаж байгаа бололтой. Хэрүүл хийгээд байгаа ч юм уу. Хоорондоо яриад ч байгаа юм уу бүү мэд. Их л чарлацгаах юм байна билээ.

Тэд жуулчидаас айна гэж үгүй. Гэхдээ бас бидний их л гадуурхаад байгаа мэт. Урилгагүй зочидод тэд дургүй бололтой. Миний гараас юм авч идэхгүй. Их л эрхэмсэг байсан шүү.

Зураг дээр: Алтан үст сармагчингийн энхрий бяцхан үр гүн бодолд орж, эхийнхээ сүүг санасан бололтой. Ээж нь хэзээ ирж түүнийг баярлуулах бол?

Үүнийг хараад нөгөө аварга биет эмэгчин араатны зулзага мөн л ингэж сууж байгаад өлбөрч үхсэн байхдаа гэсэн бодол толгойд зурсхийн оров. Эх амьтан гэдэг үр төлөө өсгөхийн тулд ямар ч аймшигтай үйлдэл хийхээс буцдаггүй. Байгалийн энэ хууль ямар аймшигтай бөгөөд энэрэлгүй юм бэ? хэмээн бодогдож, тэр домгийг анх зохиосон хүнийг биширч байлаа. Хүнд маш их зүйл бодогдуулж, амьдралыг ухааныг ойлгуулсан гайхамшигт домог байсан юм.

Шэнь нүн жя нутгийн 3000 гаруй хавтгай дөрвөлжин км нутаг дэвсгэрт 4700 гаруй төрлийн зэрлэг ургамал, 60 гаруй төрлийн амьтан байдаг гэнэ. Гэвч би тэнд тийм олон төрлийн амьтан харсангүй. Хөвч ууландаа л байдаг байх. Сармагчингаас өөр амьтан харагдаагүй. За нэг гэрийн тэжээвэр бололтой үхэр ямаа хоёр байсан. Монгол хүнд бол үхэр ямаа хоёр хөдөө хээр байдаг л зүйл.

Шэнь нүн жя нутаг нь өндөр уулсын дунд байдаг тул аагим зуны халуунд ч сэрүүхэн байдаг. Гол горхи хоржигнон урсаж, жигүүртэн шувууд жиргэж, алтан үст сармагчин шаагилдах нь ёстой л амьд байгалын диважин мэт.

Өнгөрсөн зууны 70-аад оноос эхлэн энэ нутгийн ой модыг хадаж эхэлснээр энэ газрын зэрлэг амьтадын бэлчээр нутаг ихээр эвдэрсэн гэдэг. Иймд Засгийн газар болон байгаль орчны мэргэжилтнүүд анхааралдаа авч, 2000 оны 3-р сараас Шэнь нүн жя нутгийн ой модыг хамгаалах төсөл хэрэгжүүлж, дархан цаазат нутаг болгон зарлажээ.

Зураг дээр: 1915 онд энэ нутагт ан гөрөө хийж байсан анчидын барьсан уулын отог. Тэд энэ нутагт ирж янгир ямаа агнаж, эмийн ургамал түүдэг байсан бөгөөд ихээхэн ашиг орлоготой байсан гэлцэнэ.

Улсаас дархлан хамгаалсны ачаар Шэнь нүн жягийн ой модны бүрхэлтийн хэмжээ 88%-д хүрч, зарим газруудад ойн бүрхэлтийн хэмжээ 96%-д хүрчээ. Ургамлын бүрхэлт сайжирснаар алтан үст сармагчин, зүрх улаан тогоруу, янгир ямаа хааяагүй харагдах болсон юм гэнэ.

Зураг дээр: Шэнь нүн жя нутгийн ширэнгэн ойн уугуул янгир ямаанууд одоо хүний гарт идээшин дасчээ.

Хятадууд байгалын унаган төрхөөр нь үлдээсэн газраа экологийн хөдөө аж ахуй гэж нэрлэнэ. Шэнь нүн жягийн бүс нутагт 81 тосгон байдгаас 35 нь Экологийн хөдөө аж ахуйг хөгжүүлдэг. Тэд төрөлх нутагтаа экологийн аялал жуулчлалын бүс нутаг болгон хөгжүүлж, тэндээсээ ихээхэн ашиг орлого олно.

Өвөл болохоор цаны баазад нь хэдэн зуун мянган жуулчид ирж амарна. Харин зун болохоор зэрлэг онгон байгалын үзэсгэлэнг бишрэгч жуулчид тасардаггүй.

Зураг дээр: Балт зөгийний үүр. Хайрцаг болгонд нэг бүл зөгий байна.

Хэдэн мянган бүл зөгий энэ нутгийн ховор нандин эмийн ургамалын цэцэгсийн балыг цуглуулна. Эрдэс бодисоор баялаг цэцэгсээс цуглуулсан бал нь тэжээлийн маш өндөр найрлагатай байдаг тул зах зээлд өндөр үнэ хүрдэг гэнэ.

Зураг дээр: Зөгийчин эр зөгийн балаа хурааж байгаа нь.

Шэнь нүн жягийн нутгийн иргэд эмийн ургамал тарих, балт зөгий үржүүлэх зэрэг орон нутгийн өндөр ашигтай аж ахуй хөгжүүлснээр айл өрхүүдийн амьдралын түвшин жилээс жилд өнгөжин дээшилж байна.

Зураг дээр: Энэ нутгийн цай болон эмийн ургамал тариалагчид.

Энэ нутгийн тариачид хотын жуулчид биднээс илүү тансаг хэрэглээтэй байх бөгөөд өмсөж зүүсэн нь хүртэл бусад нутгийн тариачдаас тэс өөр харагдаж байлаа. "Хийж чадаж байгаа юманд арга байхгүй" гэдэг л энэ байх.

Зураг дээр: Шэнь нүн жягийн нутгийн цайны ургамалын талбайд. Цай гэдэг анхилам үнэртэй гайхамшигт ургамал гэдгийг талбайн дунд зогсож байхдаа мэдэрч байлаа.

Энд би нэг алдаа хийсэн. Зураг авхуулж байтал "Цайны ургамалын талбайд тамхи татлаа" гэж тариачин өвгөн намайг сүрхий зэмлэсэн шүү.  Яагаад гэдэг учрыг нь асууж ч чадаагүй. 

Бизнес санаа.

Жилдээ 2 тэрбум доллорын ашигтай ажилладаг онгон зэлүүд нутгийнхан хэрхэн амжилтанд хүрэв?

Энэ нутгийнханы үндсэн бизнес гэвэл өвөл зунгүй ажилладаг аялал жуулчлалын бааз, цай болон эмийн ургамалын тариалан, балт зөгийн аж ахуй. Бодоод байхад бүгд л Монголд хийж болох бөгөөд хөрөнгө оруулалт бага шаардах бизнес. Үүнийг нэг хүн хийнэ гэвэл том хөрөнгө оруулалт мэт санагдана. Харин олон хүн хэсэг хэсгээр нь хуваагаад хийвэл өчүүхэн хөрөнгө оруулалт. Үүнд л энэ нутгийн хүмүүсийн ухааны хүч оршиж байна.

Нутгийнхаа байгалийн үзэмжийг бусдад гайхуулж, танилцуулах ажлыг сайн хийж чадвал хөрөнгө оруулагчид өөрсдөө сонирхоод ирдэг нь зах зээлийн жам юм. Харин тэд төрөлхи нутгаа бусдаас хамгаалж чадсан нь мартагдашгүй гавъяа нь байсан юм.

Ийм ширэнгэн ой Хятадад маш их байдаг. Бүгд л адилхан байсаар байтал энэ нутаг юугаараа илүү байв? гэсэн асуултыг би өөртөө тавьлаа.

1. Хүний сонирхол татах зэрлэг амьтад нь энэ нутагт айх аюулгүй амар тайван амьдарч байгаад л гол учир байгаа юм. Сармагчин амьдрах нөхцөл боломжыг нь тэд бүрдүүлэн өгч, жимсний модон төгөл байгуулж өгсөн байна. Энэ л жуулчдын анхаарлыг татах хамгийн чухал ажлын эхлэл байв. Нутгийн захиргаа энэ ажлыг улсаар дэмжүүлж, өөрсдөө Үндэсний цэцэрлэгт хүрээлэн байгуулж чадсан нь манайд хэрэгжүүлж болох санаа юм.

2. Нутгийн домгоор хүний сонирхол татахуйц чулуун баримал хийж, түүнийгээ реклам сурталчилгааны хэрэгсэл болгож чадсан. Үнэндээ тэр нутагт эмэгчин араатан байсан ч юм уу? үгүй ч юм уу бүү мэд. Гэвч хүн гэдэг их сониуч амьтан шүү дээ. Алмас мэт араатан нутаглаж байсан мэтээр жуулчидын сониуч занг өдөөж чадсан нь тэдний мэргэн санаа байлаа.

3. Хятад хүн гэдэг олон зуун жилийн тэртээгээс газар тариалан эрхлэн амьдарч байсан тул энэ нутагт хэн ч амьдардаггүй балар ой байсан юм. Тийм болохоор хөрс нь маш их үржил шимтэй. Нутгийн хүмүүс багахан газартаа өндөр үнэтэй ургамал тариалсан нь цай болон эмийн ургамал. Тэд ургамалынхаа тоосыг хүртээхийн тулд мянган бүл зөгий тэжээжээ. Ингээд л нутгийн гаралтай хоёр том брэнд бүтээгдэхүүн төрөн гарсан. Энэ нутагт ирсэн жуулчид нутгийн гаралтай брэнд бүтээгдэхүүнийг нь их сонирхдог. Гэдэс цэвэрлэх үйлчилгээ бүхий ногоон цай нь Хятад улс даяар нэн алдартай бөгөөд маш өндөр үнэтэй.

4. Энэ нутаг өвөлдөө цас их унаж, зундаа их сэрүүхэн байдаг. Энэ нь тэдэнд байгаль эхээс заяасан алтан боломж. Хятадын өмнөд нутгийн аагим халуунаас залхаж, сэрүүн тансаг байгальд ирж амрах сонирхолтой жуулчид их байдаг. Мөн цас гэдгийг үзээгүй халуун орныхон өвөл болохоор тэр нутагт ирэх нэн дуртай. Иймээс тэд нутагтаа цаны бааз байгуулах ажлыг эхлүүлжээ. Тэр нь ч тэдний хувьд өвөл зунгүй мөнгө босгох бас нэг мэргэн санаа нь болсон юм.

Эдний амьдралыг хараад манай хөдөөгийнхөн сэтгэвэл энэхүү бизнес санааг хэрэгжүүлэх боломж их байна даа гэж бодогдсон тул энэ нийтлэлийг бичлээ. 

Монгол орныхоо онгон байгалыг ингэж хайрлаж хамгаалж чадвал бид ч гэсэн хэзээ нэгэн цагт гадаадын жуулчидын нүдийг бүлтийлгэнэ дээ. 

Үйлдвэр гэхээр дэлгүүрийн лангуун дээр байдаг зүйлийг л үйлдвэрлэдэг гэвэл ташаа ойлголт. Ер нь Хятадын үйлдвэрүүд маш сонин. 

Хэнд ч хэрэггүй юм шиг зүйл үйлдвэрлээд л байдаг. Ажилчид нь цалингаа аваад, сэтгэл хангалуун амьдраад л байдаг. 

Үйлдвэрлэгчид нь борлуулалтандаа сэтгэл огт зовохгүйгээр захиалгат бараагаа цаг хугацаанд нь чанартай хийгээд л, нийлүүлээд л...

Гэвч тэр хэрэггүй зүйлс гэж хараад байгаа юмнууд маань хамгийн хэрэгтэй түүхий эд байдаг. 

Энгийн хүний нүдээр харвал, амьдралдаа худалдаж авах нь бүү хэл хэзээ ч харж байгаагүй зүйлийг үйлдвэрлээд байгаа хүн яаж мөнгө олдог юм бол гэж бодмоор.

Өмнөх бизнес санаан дээр амттаны тухай бичсэн бол энд үнэртэний тухай бичмээр байна. 

Хятадад ийм үйлдвэрүүд маш олон. Энд би хэрэггүй гэж хэлж болохгүй мөртлөө хүний нүдэнд огт харагддаггүй зүйл үйлдвэрлээд тэрбумтан болсон бүсгүйн тухай бичмээр байна.

Жу Лин Ию (朱林瑶) хэмээх Хятад бүсгүй шиг хамгийн олон үнэртнийг эзэмшсэн хүн энэ дэлхийд үгүй билээ. 

Жу Лин Ию 1970 онд Сычуан мужид төрсөн бөгөөд 1990 онд өөрийн компаниа 20 настайдаа байгуулжээ. 

Тэрээр үнэртэн гоо сайхны аварга том компанийг удирдаж, сүүн бүтээгдэхүүн, талх нарийн боов, түргэн хоол, чихэр, жимсгэнэ, махан бүтээгдэхүүн, тамхи, эм, косметик, үнэртэй ус зэрэг хүнс - эрүүл ахуйн бүтээгдэхүүний үнэр оруулагч бодис үйлдвэрлэж байна. 

Анх залуу бүсгүй Бээжин хотод амтлагч борлуулах жижиг компани эрхэлж байв. 

Зураг дээр: Хятадын анхны тэмбумтан эмэгтэй, Huabao International группийн ерөнхийлөгч, хатагтай  Жу Лин Ию

Хэдэн жилийн дараа өөрийн ирээдүйн нөхөр болох хүнс болон ахуйн химийн үйлдвэрийн үнэртэн судлаач, эрдэмтэн Линь Го вэнтэй танилцаж, гэрлээд Гонг Конгод шилжин иржээ. 

2004 онд Huabao International хамтарсан үйлдвэрээ байгуулж, Хятад улс даяар нэр хүнд бүхий үнэртэн гоо сайхны үйлдвэрлэгч болсон байна.

Жу Лин Ию-гийн компаний амжилтын нууц гэвэл тэрээр хэзээ ч хүний хийсэн технологийг хуулбарлагч биш, харин цоо шинэ бүтээгдэхүүн нээн үйлдвэрлэгч байсан.

Эдүгээ Huabao International группийн эрдэм шинжилгээний институтүүд Шанхай, Юннань, Гуандунаас гадна Германд амжилттай ажиллаж байна. Жу Лин Ию-гийн мэдэгдсэнээр:

- Шинэ бүтээгдэхүүн үйлдвэрлэхийн тулд жил бүр хэдэн арван сая америк доллорын хөрөнгө оруулалт хийдэг. Иймээс ч Huabao International өнөөдөр Дэлхийн лидер үйлдвэрлэгч гэдгээ харуулж чадаж байгаа юм гэжээ. 

Жу овогт бүсгүй аварга том группийг чадварлаг удирдахын зэрэгцээ Хятадын хүнс, гоо сайханы үнэр оруулагчидын Холбооны Ерөнхийлөгчийн ажлыг хавсран гүйцэтгэдэг.

2008 онд Forbes сэтгүүлийн газар "Дэлхийн Хамгийн их нөлөө бүхий бүсгүйчүүд”-ийн жагсаалтанд Жу Лин Ию-г бүртгэж, тэрбумтан эмэгтэйгээр өргөмжилжээ.

Hurun Report –ын мэдээллээс үзэхэд 39 настай Хятад бүсгүйн хөрөнгө 2009 онд 2 миллиард доллор хүрсэн байна.

Бизнес санаа

Монголд арьс шир, ноос ноолуур, мах махан бүтээгдэхүүн, уул уурхай, барилгын үйлдвэрлэл ирээдүйд зонхилох салбарууд болно. 

Гэвч тэдгээр үйлдвэрүүд түүхий эд болон химийн үйлдвэрийн бүтээгдэхүүнийг гадаадаас импортлон оруулна.

Хэрэв шинээр далайцтай үйлдвэрлэл эрхлэе гэвэл эндээс л шинэ бизнес санаа ургана.

 Хятад хэлнээс орчуулсан Ц.Энхтайван

Хөдөөнийхөн маань хийх ажил байхгүй байна. Яаж таван цаасны бараа харах вэ? гэсэн сэтгэлийн тамтай хүмүүс. Тэгвэл надад нэг БИЗНЕС САНАА байна.

Монголын их цэрэг олон зуун мянган км хол замыг туулахдаа, цэрэг бүр 10-30 хоног хэрэглэх борц, цагаан идээгээ биедээ авч явдаг байсан гэдэг. Тэд хатаасан мах, сүүгээр аяны хүнс хийдэг байсан нь жин хөнгөн, хадгалалт удаан, тэжээллэг, өл даадаг зэрэг олон давуу талуудтай байсан. Эдүгээ эдгээр хүнс Монголчууд бидний уламжлалт идээ болон үлдсэн боловч 13-р зууны их цэргийн үеийн өнгө төрхөө хадгалсаар л байна.

2000 жилийн өмнө Хүннү нарын бүтээсэн ааруул, ээзгий, борцыг орчин цагийн шинэлэг хэлбэрээр өөрчлөж, шинэ төрлийн экспортын бүтээгдэхүүн бий болгох тухай энд өгүүлнэ.

Үрлэн борцны тухай бизнес санаа төрсөн минь

Махаар хийж болох олон сайхан хоолны нэг бол борц билээ. Гэвч борцыг Монгол уламжлалт аргаараа урь идүүлэн хатаахаас цаашгүй байна.

Гурван жил хадгалсан үхрийн махны борц эмчилгээний үр дүнтэй байдаг бол ямааны борцны шөлийг наршсан хүнд уулгах сайн гэж монголын уламжлалт анагаах ухааны сударт тэмдэглэсэн байдаг.

Хятад газар "Үрлэн борц" гэдэг сонирхолтой хоолыг Сычуань мужид аялаж явахдаа олж үзлээ. Хятадад тийм ч элбэг тохиолддоггүй энэ борцыг Төвдийн өндөрлөгийн сарлагын махаар хийжээ. Үйлдвэрийн эзэн нь төвд хүн байсан бөгөөд алс хол Монгол нутгийн аянчин хэмээн хүндэтгэн дэлгүүртээ урьсан юм.

Зураг дээр: Төвдийн сарлагын махан борц болон хатааж болгосон махны дэлгүүрт.

Эдгээр борц нь шууд идэж болохоор болсон мах бөгөөд амт үнэр нь маш сайхан. Борцыг нь зажиллах тусам л амт ороод байгаа мэт таатай мэдрэмж төржбайлаа. Тэд борцоо граммаар худалдахаас гадна зориулалтынтугалган цаасан уутанд 100-250 гр савалгаатайгаар гэртээ үйлдвэрлэнэ. Зарим борц нь чихрийн цаасанд боосон харагдах бөгөөд задлаад үзвэл амталж чанаад хатаасан мах мэт. Би тэр Төвд айлд зочилон очиж, өрхийн үйлдвэрлэл явуулж байгаатай нь танилцлаа.

Эхнэр нь 200 ба 600 литрийн том том цахилгаан тогоонд сарлагын мах чанаж байв. Махыг чанаж дуусгаад, сэрүүн агуулах руу оруулах бөгөөд тэндээсээ сэвэрсэн махыг хатаалгын камерт оруулна.

Хатаалгын камераас гарсан борц нь бүрэн хатаалга хийгдээгүй байсан. Тэр нь бага зэрэг шүүс, шөлний амттай байсан тул их сайхан амтагдаж байлаа. Ингэж дутуу хатаасан борц нь жингээ дөрөв дахин алддаг.

Үйлдвэрийн эзний хэлсэнээр "Дутуу хатаасан мах нь шууд идэхэд амт сайтай байх бөгөөд хямд үнээр худалдаж, борцноос илүү ашиг олдог" гэж байлаа. Дутуу хатаасан борц нь архи пивоны сайхан даруулга болохоос гадна шууд шөлтэй хоол, борцтой цай хийсэн ч сайхан амттай. Борц нь хичнээн жил хадгалсан ч чанараа алдахгүйгээр үл барам удах тусам эм болдог гэнэ.

Төвд эрийн ШИНЭ БҮТЭЭЛ

Үйлдвэрийн эзэн арай шинэлэг төрлийн бүтээгдэхүүн хийж байгаагаа танилцуулсан нь надад маш их таалагдсан.

Зураг дээр: Үйлдвэрийн эзний бэлэглэсэн "Үрлэн борц". Хэмжээг нь ойлгомжтой харуулахын тулд татаж байсан тамхины хайрцагаа харьцуулан зургийг нь дарлаа.

Монгол хэл дээр "Үрлэн борц" гэж нэрлэвэл арай зохимжтой юм байна. 5-6 цаг дэвтээхэд маш их хэмжээний борц болдог гэж Төвд хүний зөвлөсөнөөр ганцхан ширхэг "Үрлэн борц"-ыг 500 мл усанд хийж дэвтээлээ. Өглөө хийгээд орхисон борц маань орой ирсэн чинь өтгөн хар өнгийн махан зутан гэгч болсон байв.

Бидэнд энэ технологийг ашиглан борцтой цай, борцтой шөл гэх мэт шинэлэг бүтээгдэхүүн үйлдвэрлэх сайхан боломж байна. Малын мах амархан муудчих гээд байдаг бол төвд эрийн Үрлэн борц удах тусмаа эм болно. Яг л олон жил дарсан дарс мэт.

Манайхан шиг махсаг хүмүүс гадаад, дотоодод аялал жуулчлалаар явахдаа хэрэглэхэд нэн тохиромжтой бөгөөд хүнд ачаа болохгүй. Мөн гааль дээр ч хурааж авна гэж айлган сүрдүүлэхгүй.

Үрлэн борц хийхэд нийт 4 төрлийн тоног төхөөрөмж хэрэгтэй. Хамгийн бага оврын иж бүрэн шугамыг үйлдвэрээс худалдан авах үнэ 17330 юань (Ойролцоогоор 6 сая төгрөг, тээврийн зардалтайгаа) болж байсан. Хэрэв та илүү том хүчин чадалтай үйлдвэрлэлийн шугам сонирхож байгаа бол дараах мэдээллээс сонголт хийж болно.

1. Борц хатаагч төхөөрөмж

Техникийн үзүүлэлт ба үйлдвэрийн үнийн санал

2. Нунтаглагч тээрмүүд

3. Нунтаг бүтээгдэхүүн холигч

4. Үрлэн борц хэвлэгч машин

1. Нунтаглагч машин

2. Үрэл хэвлэгч

Үрлэн борц хийх арга?

1. Юуны өмнө өөхгүй махыг машиндаж татна.

2. Татсан махаа мах борцлогч төхөөрөмж-инд оруулж, хатаана. Энэхүү хатаагч машин нь цай болон эмийн ургамал хатаах зориулалттай тул ургамалын аагийг алдагдуулахгүйгээр хатаах давуу талтай. Иймд энэхүү хатаагч нь шинэхэн махыг огцом хатаах тул амт үнэр нь алдагдахгүй сайн талтай. Яг л өвлийн борц шиг сайхан амттай болно. Өвлийн улиралд -16 -аас -40 хэмийн хүйтэнд борцыг хийдэг бол хатаагч машинтай хүн жилийн 4 улиралд борцоо хийж чадна.

Борцыг 5 сар хөлдөөж урь идүүлдэг бол хатаагч машинтай хүн өнөөдөр гаргасан үхрийг маргааш гэхэд борц болгочихно.

(Зураг дээр хулганаараа товшвол тоног төхөөрөмжийн тухай дэлгэрэнгүй мэдээллийг үзэж болно.)

3. Хатаасан махыг мах нунтаглагч машин-аар жижиг ширхэгтэй болгон нунтаглана. Үхрийн мах давсагандаа багтдаг гэж манай Монголчууд ярьдаг. Гараар нүдэж нунтагласан борцноос илүү жижиг ширхэгтэй болно. Яг л гурил шиг болтол нь тээрэмддэг.

(Зураг дээр хулганаараа товшвол тоног төхөөрөмжийн тухай дэлгэрэнгүй мэдээллийг үзэж болно.)

4. Нунтагласан борцоо өөрийнхөө нууц жорын дагуу хатаасан сонгино, саримс, хар церец, хатаасан таана хөмүүл, гоньд, аарц зэрэг бусад амтлагчтай холино. Амталгаагаа хэрхэн хийх нь таны дурын хэрэг.

(Зураг дээр хулганаараа товшвол тоног төхөөрөмжийн тухай дэлгэрэнгүй мэдээллийг үзэж болно.)

5. Бэлэн болсон борцоо ааруул хэвлэгч машин-аар төрөл бүрийн хэв оруулан эцсийн бүтээгдэхүүнийг хийж дуусгана.

(Зураг дээр хулганаараа товшвол тоног төхөөрөмжийн тухай дэлгэрэнгүй мэдээллийг үзэж болно.)

6. Эцсийн бүтээгдэхүүнийг савлаж, зах зээлд нийлүүлнэ. Нэг ширхэг үрлэн борц нь маш их амин дэм, уураг агуулсан хүнсний бүтээгдэхүүн болдог тул зах зээл дээр өндөр үнэлэгдэнэ. Төвдийн уламжлалт анагаах ухааны "Дөрвөн шастир" хэмээх алдарт сударт "Хатаасан борцны эмийн хүч шинэ махнаас илүү" гэж өгүүлжээ. Тэд борцыг хүчтэй эм тангийнхаа найрлаганд ашигладаг байсан гэнэ.

Эрдэмтэдийн хийсэн судалгаагаар борцонд 68,3 хувийн уураг байдаг бол шинэ маханд ердөө л 18 хувийн уураг агуулагддаг гэжээ. Яагаад мах борц болохоороо уураг нь их болов? гэж асуумаар байгаа биз! Мах хатах тусам уургын хэмжээ нэмэгддэг нь байгалын үзэгдэл гэнэ. Борц бүрэн хатахаараа 80 хувийн уурагтай болж чаддаг байна.

Борц хийх эдийн засгийн үр ашгийн тооцоо хийх чухал үзүүлэлтүүд

• Нэг кг махыг хатаахад 200 гр борц болдог.
• Амьдын жингээрээ 430 кг татах сарлагын шарнаас 250 кг мах гардаг.
• 80 гр жинтэй нэг ширхэг үрлийг Төвдүүд 2,5 юань-аар худалддаг. (10 ширхэгээр нь савласан "Үрлэн борц" нь 25 юань үнэтэй бөгөөд 20 порц борцтой шөл болдог.)
• Нэг шар үхрийн мах 3000 ширхэг үрэл болох бөгөөд 7500 юань (2.8 сая төгрөг) болдог.

Төвд айлд зочилсон минь

Зураг дээр: Сарлагын махтай Төвд банштай шөл, гурилтай хоол, бууз, хуушуур

Төвд айлд зочилоод яг л гэртээ байгаа мэт сэтгэгдэл төрсөн шүү. Маш их гайхсан зүйл бол Төвдчүүдийн үндэсний хоол байлаа. Сайхан чанасан гэдэс, бууз идэж, сүүтэй цай, хар шөл уулаа. Хоол идэж дууссаны дараа гурилтай хоол бас хийв. Яг Монголчууд шиг хоол иддэг юм байна. Chang гэдэг зааны зурагтай архиараа их шахах бөгөөд эр эмгүй тэр архиндаа дуртай. Энэ архийг арвайгаар нэрэх бөгөөд тэр нь маш хатуу архи байсан. Гэвч маргааш нь шартахгүй. Яг л манайхан шиг архи уухаараа дуулж, ерөөл хэлдэг хүмүүс. Хэл нь л өөр болохоос биш Монголжуу ёс заншилтай мэт санагдсан.

Зураг дээр: Төвд айлд. Тэд сарлагын махаа борцлох дуртай хүмүүс.

Айл бүр гэртээ борц хатаадаг гэнэ. Тиймээс ч борцны худалдаагаараа Хятадад тэргүүлэх бөгөөд борцоо янз бүрийн амталгаа, савалгаатай хийж байгаа нь санаа авууштай зүйл байлаа.

Төвдчүүд намар нядалгаа хийсэнийхээ дараа махаа уутанд хийж, сэрүүн газар хөлдөөдөг. Өвөлжин хөлдүү байсан мах хавар болохоор урь идэж, 3-4 сард сайхан борц болно. Төвчүүд махны шим шүүсийг ууршуулахгүйгээр маханд нь шингээхийн тулд махаа өвлийн тэсгим хүйтэнд огцом хөлдөөдөг.

Намар эрт гаргасан үхрийн махнаас өвөл гаргасан махны борц илүү сайхан амттай байдаг гэнэ. Мөн Төвдийн өндөрлөг нутаг нь олон мянган жилийн өмнө далай гүнд байсан болохоор өвс ургамал нь ихээхэн хужирлаг, эрдэс бодис ихтэй байдаг. Иймээс ч тэр нутгийн сарлагын мах сайхан амттай.

Манай Монголд ч гэсэн говийн мах хангайн махнаас илүү сайхан амттай байдаг шүү дээ.

Гуанжу хотод явж байхдаа орон нутгийн телевизээр нэгэн сонин нэвтрүүлэг үзлээ.

Хүнд яах гэж шүд байдаг вэ? гэсэн асуултанд хариулсан энэ нэвтрүүлгийг үзсэн олон хүн эрүүл мэндээ хэрхэн хамгаалах талаар ойлголт аваад зогсохгүй, хоол идээгээр аливаа өвчинийг анагаах хялбар аргыг зааж өгсөн юм. Энэ нэвтрүүлэг нэгэн эмчийн тухай өгүүлэх бөгөөд тэрээр хоолны эмччилгээний арга ухааныг судлаж, улмаар бизнес санаа хэрхэн төрсөн тухай танилцуулсан юм.

Шүд нь хоолыг зажилах гэж заяагдсан эрхтэн. Гэтэл бид идсэн хоолоо бүрэн зажилж чаддаг бил үү?

Энэ эрдэмтэн өөрийн гэсэн эрүүл хоолны жор зохиож, түүгээрээ шинэ төрлийн түргэн хоолны газар нээжээ.

Бид мах гурил хоёроор Бантан хэмээх алдарт зутан шөл хийдгийг сайн мэднэ. Гэтэл махнаас гадна өөр олон төрлийн витминлаг ногоо, далайн бүтээгдэхүүн, жимс жимсгэнээр зутан шөлийг хийж болдог.

Тэрээр хүний эрүүл мэндэд нэн тустай хүнсий бүтээгдэхүүнүүдийг миксерээр жижиглэн буталж, луувангийн шөлөнд хийж өгдөг байна. Түүнийг бэлтгэсэн зутан шөл нь ходоодонд ямарч ачаалалгүйгээр шингэх бөгөөд биеийн дархлааг сайжруулдаг. Иймээс ч хүн элдэв өвчинөөс урьдчилан сэргийлж чадахаас гадна урт наслах, залуужуулах шидийг олдог байна.

Хувийн Хаус барих гэж байгаа найзууд болон залуу дүү нартаа санаа болгож хэдэн зүйл эвлүүлэн бичлээ. Байшин барьдаг хүн болж нилээд үзлээ. Эцэст нь ийм нэг бяцхан туршлагатай л үлдсэн юм. Ухаантан нь уншиж, мунхаг нь бичдэг гэсэн Орос ардын зүйр үг байдаг. Алдаа оноо байвал харамгүй шүүмжлээрэй. Бусадад маань хэрэг болно. Хямд зардлаар хаусыг барихын тулд судалсан зүйлээ тэмдэглэл болгон бичлээ. Ухаантанд зориулсан мунхагын зохиолыг шүүн тунгааж, зөвлөмжөө хайрлана уу.

Монголд барилга барьсан түүх

Би хувьдаа нэг байшин барих гэж оролдож үзлээ.

3 сараас эхлээд БЭЛТГЭЛ АЖИЛ маань эхлэн, барилгын зургаа гаргаж, төсвөө тооцоолоод, зөвшөөрөл хөөцөлдсөөр байтал 5 сар хүрчихлээ. Арай гэж бүх зөвшөөрөл бүрдэхээр нь Эрээн хот руу барилгын материал татахаар явлаа.

Материал татах ч амархан байв. Хамгийн хэцүү нь Гааль дээр духандаа нэг "сум" зоолгоод, дараа нь Замын үүд дээр 7 хоног "хонин гүрвэл" болсон маань анхны сургамж боллоо.

Зураг дээр: Миний барилга барьсан үе шатлалууд.

Ингэж зовсоны эцэст арай хийж барилгын материалаа Улаанбаатарт авчраад барилгаа барих боллоо. Барилгын материалаа татчихсан юм чиньБАРИЛГА УГСРАЛТ шатандаа орлоо. Ажилчид гэж ердөө л "Туршлагын туулай" байсан гэхэд болно."Зуун айл"-ын "Би чадна"-нуудын дотор чаддаг амьтан нэг ч алга.

За тэгээд өндөр мэрэгжлийн ажилчин хайж, Зар мэдээ, Шуурхай зар сонингийн газар руу шогшсоор байтал наадам хаяанд тулчихлаа.

Монголчууд маань сайхан наадаад л, миний барилга сайхан саатаад л... НАЙР НААДАМ-ын шатлал нь хэзээ дуусах юм бол? Бүү мэд.

Наадмын дараа бага наадмууд, бага наадмын дараа бас нэг бага наадам. Наадам наадмын үргэлжлэл урссаар 9 сар болж намар хаяанд тулчихдаг юм байна.

Арай хийж хэдэн ажилчин цуглуулж аваад ХУГАЦАА НӨХӨЛТхийх шатандаа орлоо. Намар болж хүйтэний эрч наашилж байгаа болохоор өдөртөө хийсэн бетон зуурмаг шөнөдөө хөлдөж хоноод нэг ч олигтой юм болсонгүй.

За даа,Энэ жил ч өнгөрлөө! Баахан болсон болоогүй ажилчидтай цалингийн хэрүүл хийж, дээд доод дарга нарт хээл хахууль өгсөөр байгаад барилгын төсвийнхөө хагасыг нь салхинд хийсгэчихлээ. Ирэх жил үлдсэн хагасаар нь ямаршуухан байшин босох бол гэж бодохоос үстэй толгой арзайж байсан.

Түүхийн үргэлжлэл

Өвөлжин барилгын технологийн судалгаа хийлээ. Яавал үлдсэн жаахан мөнгөөрөө гайгүй байшин босгох вэ?

Энэ бол миний өөртөө тавьсан шаардлагууд.

Энэ асуултын хариуг их ч хайлаа. Яагаад эдгээр асуулт миний хайлтын үндсэн зорилгоболсон бэ? гэвэл:

1. Ажилчид маань гэж дандаа "Туршлагын туулайнууд" болохоор байшин барих ХЯЛБАР технолог хэрэгтэй.
2. Монголд барилгын угсралтын сезон богинохон болохоор ХУРДАН дуусгаххэрэгтэй.
3. Би барилгын төсвийнхөө хагасыг салхинд хийсгэчихсэн болохоор ХЯМД байх хэрэгтэй.
4. Санаа байвч, сачий хүрэхгүй юм чинь ЭНГИЙН байх хэрэгтэй.
5. Нэг насаараа амьдрах юм чинь ДУЛААН байх хэрэгтэй.
6. "Миний байшин - Миний нэр төрийн баталгаа" болохоор ЗАГВАРЛАГ байх хэрэгтэй.

Энэ 6 шаардлагыг өмнөө тавьж Америк, Канад, ОХУ, Европ, Хятад, Солонгос, Японы барилгын мэдээлэлтэй сайтуудыг ухаж өглөө. Аз болоход "Эрэлийн үзүүр"-т гэрэл гарсан юм.

Эрэлийн үзүүрт гарсан гэрэл

Мөнгө машбага болсон тул,шинээр барих гэж байгаа байшингийнхаа талбайг багасгахаар шийдлээ. Тэгээд аажимдаа томруулах санаатай байв. Ямар ч байсан өөрийн зорилгоо биелүүлэхэд хэрэгтэй зөвлөгөө, технологийн нууцуудыг олсон. Түүнийгээ танд дэлгэн танилцуулья.

1. План зургаас шинэ байшин төрнө

Энэ байшингийн план зураг надад их таалагдсан. Жижигхэн мөртлөө хүний хэрэгцээг бүрэн хангаж чадсан юм. 6,1 * 2,4 хэмжээтэй, 14,86 кв.м талбайтай тэргэнцэр дээр байрлуулсан зөөврийн хаус юм. Энэ байшингаа би "Оюутан сууц" гэж нэрлэсэн.

Энэ хаус нь мансардандаа унтлагын өрөөтэй бөгөөд гал тогоо, зочины өрөө, угаалга - 00 ийн өрөөтэй. Бүрэн тавилгатай ийм хаусын үнэ урьдчилсан тооцоогоор 17 мянган доллор болж байгаа юм. Эндээс харахад одоохондоо нэг кв.м талбайн үнэ нь  2,28 сая төгрөг болж байна. Гэвч би энэ үнийг багасгах боломжыг үргэлжлүүлэн судалж байгаа.
Жич: Улаанбаатар хотод  "Нийт зарагдаж буй хаусны 1 кв.м-ийн дундаж үнэ нь 2,8 сая төгрөгийн үнэтэй байна." гэж www.barilga.mn сайт мэдээлсэн байна.

2. Тэгш өнцөг хэлбэртэй байшингийн давуу тал.

Байшингийн хэлбэр тэгш өнцөгт хэлбэртэй байх нь хамгийн зөв шийдэл байсан. Учир нь ХЯЛБАР, ХЯМД бөгөөд ЭНГИЙН.

1-р давуу тал: Зураг дээрээс харахад тэгш өнцөгт байшингийн талбай 18,6 кв.м болж байхад Г хэлбэрийн байшингийн талбай 15,6 кв.м болж байна. 
2-р давуу тал: Хоёр байшингийн гадна ханы периметр адилхан 18,3 м боловч тэгш өнцөгт хэлбэрийн байшинд 4 булан, Г хэлбэрийн байшинд 5 гадна булан 1 дотор булан байна. Эндээс харахад тэгш өнцөгт хэлбэрийн байшин нь илүү ЭНГИЙН байх бөгөөд барихад ХЯЛБАР болох нь харагдаж байна.
3-р давуу тал: Гадна ханы нийт урт нь адилхан байгаа ч гэсэн тэгш өнцөгт хэлбэрийн байшингийн талбай том байна. Энэ бол байшингийн өөрийн өртгийг их хэмжээгээр хэмнэнэ.
4-р давуу тал: Тэгш өнцөгт хэлбэртэй байшин том талбайтай ч гэсэн гадна ханаар алдах дулаан алдагдал Г хэлбэрийн байшинтай адилхан.

3. Хаалга цонхны байршил

Монгол оронд өвлийн цагт баруун хойноосоо салхилдаг. Тэгвэл өвлийн эрчим хүчний хэмнэлттэй орон сууцны хаалга, цонхыг хойшоо болон баруун зүг рүү харуулж барихаас аль болох зайлсхийх хэрэгтэй. Урагшаа харсан цонх өвлийн цагт маш их ДУЛААН цуглуулдаг. Урагшаа харсан цонхыг аль болох том хийвэл зүгээр. Хамгийн багадаа гэхэд байшингийн шалны талбайн 15 хувиас багагүй байх хэрэгтэй.

4. Суурийн ажил

Байшингийн өөрийн өртгийн хамгийн их хэсгийг фундамент эзэлдэг. Манайхан байшингийн суурийн уламжлалт аргаараа цемент, хайрга зуурч шугаман хэлбэрээр цутгадаг.

Зураг дээрээс харахад Монгол улсын Алтай Хангай Хэнтий нурууны бүс нутгаар үргэлжилсэн буюу алаг цоог тархалттай мөнх цэвдэг их байгаа нь харагдаж байна. Ийм бүс нутагт уламжлалт аргаар байшингийн суурь тавих нь ирээдүй муутай, үнэтэй болно гэж хэлэхэд болно.

Би суурийн ажлыг ХУРДАН, ХЯЛБАР, ХЯМД, ЭНГИЙН гэсэн шаардлагад нийцэх арга олсон нь двухтавр буюу швеллер төмрөөр хийх технологыг Орос Америкийн цэргийн шуурхай барилгын ангийн сайтаас анх олж харсан юм. Ямар ч газар хамгийн хурдан аргаар, найдвартай суурь хийх аргыг цэргийн барилгын инженерүүд олсон байлаа.

Зураг дээр үзүүлсэн шугаман суурийн өөрийн өртөг төмөр суурьнаас илүү өндөр. Өвлийн цагт хөрс хөлдөхөд овойлт өгч, хавар болохоор суулт өгөхөд шугаман суурь хагарч гэмтдэг. Тэгвэл энэхүү дүнзэн байшингийн доорхи хөрсанд суулт өгсөн байхад байшингийн суурь нь эвдрээгүй байгаа биз? Хөрсөнд суулт өгсөн үед машины домкратаар жаахан өргөж байгаад л ивээс хийчихнэ.

Мөн манай Улаанбаатар хотын зарим айлууд уулын энгэр дээр их налуу газар байрладаг. Тэнд шугаман суурь цутгана гэвэл 15 саяас доошгүйзардал гарна. Тийм газар ямар суурь барих вэ?

Энэ суурийг налуу мөртлөө хөрсний чийг ихтэй газар барьсан байна. Зардал бага, олон зуун жил найдвартай энэ суурийг хийхэд 1-2 өдөр байхад хангалттай тул ХУРДАН, ХЯЛБАР, ЭНГИЙН гэсэн шаардлагыг хангаж байна. Хэрэв суурийн төмрийг Хятадаас татвал үнэ ихээхэн ХЯМД тусна. Үүндээ би итгэлтэй байгаа шүү. Тухайлбал:

L9.76м х W6.1м =59.5кв.м талбай бүхий байшингийн сууринд (9.76*3) + (6.1*2) = 41.48м урт суурь байхад хангалттай.

125*125 хэмжээтэй нэг метр урттай двухтавр дундажаар 36 мянган төгрөгний үнэтэй байдаг гэж үзвэл нийт ойролцоогоор 1,5 сая төгрөгийн материал байхад хангалттай. Үүнд ажлын хөлс болон тээврийн зардал нэмэгдэх нь ойлгомжтой. Энэ суурь 2 давхар буюу эсвэл мансардтай байшинд бол хангалттай даац авч чадна.

Харин нэг давхар хувийн жижиг сууц барих гэж байгаа бол швеллер төмрөөр суурийг хийвэл болно. Тэгвэл үнэ хямдарч 800 мянган төгрөг орчим болно.

Миний танилцуулах гэж байгаа байшингийн загварууд

Зураг дээр уулын налуу энгэр дээр барьсан байшингийн суурийг хийсэн байдал. Иймэрхүү налуу газар үүнээс өөр ХЯМДзардлаар,ХУРДАНхугацаанд суурь хийх аргыг би одоохондоо олоогүй л байна.

Юуны өмнөорон сууцандамьдрах сонирхолтойоюутан гэр бүлийнхээзовлонг хуваалцъя л даа.Улаанбаатарт 2 өрөөорон сууц хөлслөнө гэвэл жилдээ 7,2 сая төгрөг болно. Тэд Улаанбаатарт оюутан байх хугацаандаа нийт 36 сая төгрөгийг салхинд хийсгэнэ. Тэгвэл ийм нэг тэргэнцэр дээр байрлуулсан байшинтай хүн бол хаана ч очоод амьдраад байхаар санагдаад байгаа юм даа.

www.barilga.mn сайтын мэдээллэсэнээр "Нийт зарагдаж буй хаусны дундаж үнэ нь 2,800,000 төгрөгийн үнэтэй байна." Энэ бол хаусын 1кв.м талбайн үнэ шүү дээ. Тэгвэл энэ мөнгөөр юу бүтээж болох тухай тооцоолж үзье.

Техникийн дэвшил гэдэг бол аливаа үйлдвэрлэлийн хөгжлийн гарц билээ. Миний хувьд Сычуан мужид айлчилж байх үедээ сарлагын махан борц гэдгийг анх амталж үзээд Монгол орондоо тэр бүтээгдэхүүнийг хийж болох юм байна гэдгийг ойлгосон.

Махыг хөдөө орон нутагт малын махыг боловсруулж, зах зээлд гаргах сайхан боломж байна. Иймд Төвдийн уламжлалт хатаасан махны технологийн тухай танилцуулъя.

Сарлагын махаар амтат борц хийх арга

1. Үхрийн гуяны цул махны өөх, хальсыг нь ялгана. Гуяны мах нь 3-р ангилалд багтдаг, их шөрмөслөг байдаг тул хямд үнэтэй байдаг гэнэ.

2. Махыг доор танилцуулж байгаа махны машинаар 2-3мм зузаантайгаар зүснэ. Эцсийн бүтээгдэхүүнийг савлаж худалдах тул нэг зүсэм махны хэмжээг сайтар бодолцох хэрэгтэй.

3. Мах бэлтгэх ширээн дээр зүсмэл махаа дэлгэн тавьж, өөрийн нууц жорын дагуу амталгаа хийнэ. Энэхүү амталгаа хийх жор нь таны тогоочын ур авъяасаас шалтгаална. Энэ үйлдлийг хоёр хүн хийх бөгөөд нэг нь амтлагчаа цацаж, нөгөө нь гурилын гулуузаар махаа элдэж, амтлагчыг маханд сайтар наалдуулж өгнө.

Махыг элдэхдээ хуурай гурил цацаж, чийгийг нь шингээвэл хууурайшсан мах элдэхэд хялбар. Махаа хоёр талаас нь амтлана.

Мах бэлтгэх ширээ нь хулдаас болон үл зэврэх төмөр тавцантай байх хэрэгтэй. Учир нь арчиж цэвэрлэхэд хялбар байдаг.

4. Амталсан махыг шууд огцом хөлдөөнө. Хөлдөөх процесс 3 хоног явагдах бөгөөд энэ хугацаанд маханд амтлагчууд бүрэн шингэсэн байдаг. Технологийн энэ горимыг сайтар баримтлах хэрэгтэй. Учир нь таны хүссэн амтыг цаг хугацаа л эцсийн бүтээгдэхүүнд бүрэн шингээж чадна.

5. Хөлдсан махыг гэсгээж, хатаагч дэлгэцэн дээр тарааж тавьна. Хатаагч камерийн температурыг 65 хэм дээр тавьж, аажмаар халаалтын хүчийг нь нэмнэ. 145 хэм хүртэл халааж, хатаалтыг үргэлжлүүлнэ. 4-5 цагт хатаалт бүрэн болно. Хатаалт хийж байх явцад байнга шалгаж, 5-10 хувийн чийгшилтэй болоход гаргана. Хатаагч машин байнгын эргэлтээр хатаалтыг явуулах тул дэлгэцэн дээр байгаа мах жигд хатдаг. Энэхүү хатаагч машины тухай мэдээлэл манай сайт дээр байгаа тул дараах линкээр орж танилцаарай.

Үрлэн борц хийх технологийн тухай мэдээлэл Энэ холбоос дээр хулганаараа тогшиж шинэ цонхонд нээж уншина уу!

6. Бэлэн болсон махыг сайтар сэврээгээд савлана. Хатаасан махыг цаасан уутанд хийх нь хадгалалт удаан байх сайн талтай. Эсвэл вакуум савлагчаар агаарыг нь соруулж савлабал илүү найдвартай удаан хадгалагдана.

Хатаасан махаар пивоны даруулга хийхэд төгс мэдрэмжийг авчирна. Харин даруулга хийх махны давс нь үл ялиг их байх хэрэгтэй.

Энэхүү зураг дээр үзүүлсэн хатаасан махыг хийх арга маш хялбар.

Махыг машинаар татаж, буузны татсан мах шиг амтлаад, дөрвөлжин гурвалжин, дугуй хэлбэрээр элдэж хөлдөөх технологиор хийсэн.

Энэ аргаар хатаасан мах бэлтгэх бусад үйлдэл дээрхитэй мөн адилхан юм. Давуу тал нь гэвэл хатаалт хурдан, хэлбэр дизайн гоёмсог байдаг.

Үйлдвэрлэлийн аргаар хатаасан мах хийхэд хамгийн чухал төхөөрөмж бол мах зүсэгч, татагч машин байдаг.

Төлбөр: Үйлдвэрлэгч төлбөрийг хүлээн авмагц, 7 хоногын дотор Эрээн хотод өөрийн зардлаар хүргэж өгнө.
Баталгаа: Үйлдвэрээс тоног төхөөрөмж ачигдсан өдрөөс эхлэн нэг жил.

Хэрхэн худалдаж авах вэ?

1. Үйлдвэрлэгч тус сайтад бараа бүтээгдэхүүний мэдээллээ төлбөртэйгээр тавьж, манай гэрээт нийлүүлэгч болсон тул бид танаас зуучлалын хөлсгүйгээр үйлчилгээ үзүүлнэ.
2. Та манай сайтын хаягаар бидэнд шууд хандан үйлдвэр дээр нь өөрийн биеэр зочилон очиж үйлдвэрлэлийн үйл ажиллагаатай танилцах, тоног төхөөрөмжийн судалгаа шилэн сонголт хийх, орон нутгийн болон дотоодын стандартын дагуу өөрчлөлт хийлгэх, хэсэгчлэн худалдан авалт хийх, хүчин чадлыг нэмэгдүүлэх зэрэг шаардлагын дагуу захиалж болно.
3. Бид танд замчлах, хэлмэрчлэх, гэрээ байгуулах ажилд тань хөндлөнгийн хяналт тогтоон баталгаажуулах, эрсдэлээс хамгаалах, тээвэрлэлт хийх зэрэг худалдааны ажилд тань туслалцаа үзүүлнэ.

Яс хөрөөдөгч машиныг махны худалдаа эрхлэгчид болон ясны гурилын үйлдвэрт өргөн хэрэглэдэг юм шиг бодож явлаа. Гэтэл шинэхэн бизнес санааны маань хамгийн чухал багаж байсныг ойлгоод энд танилцуулахаар шийдлээ.

Өндөр хүчин чадалтай үйлдвэрийн тоног төхөөрөмж нь нийт 14 сая орчим төгрөг болж байна. Харин өрхийн үйлдвэрлэл хийх гэж байгаа бол жижиг тоног төхөөрөмжийн сонголтыг хийгээрэй. Нийт үнэ 8,3 сая төгрөг болно.

Өвгөн эмгэн хоёр бизнес хийсэн нь

Огт мөнгөгүй хүн хэрхэн баяжсан тухай бизнес санааг энд хүргэе. Наньжин хотод өндөр настай өвгөн эмгэн хоёрын тэтгэвэрийн мөнгө амьдралд нь хүрэлцдэггүй байжээ. Харж хандах хүүхэдгүй өвгөн эмгэн хоёр амьдралынхаа эцэст өөрсдийн хүчээр хэрхэн шинэ бизнес эхлүүлж, баяжсан тухай түүхийг энд өгүүлье.

Тэд өчүүхэн бага тэтгэвэр авдаг. Тэр нь байрны мөнгө, цахилгаан дулаан, эм эмчилгээнд нь арай гэж хүрдэг байжээ. Өрхийн үйлдвэрлэл явуулж, хэдэн бор юм олъё гэж мөрөөдөвч, мөнгөгүйн зовлонг яах ч билээ. Өвгөн олон өдөр бодсоны эцэст, нэгэн шөнө амьдрал залгуулах мэргэн санааг зүүдэндээ сонсож гэнэ ээ. Түүний зүүдэнд Аз жаргалын тогоруу ирээд:

- Өвгөн ах та! Зах дээрээс шулсан яс худалдан авч чанаад, махыг нь мөлж. Дахин давсгүй усанд буцалгаж шөл гарга. Ясыг 2 ба 3 дахин буцалгахад, ясны эд задарч, цагаан саарал өнгөтэй шөл гардаг. Тэр шөл бол хамгийн их кальци агуулсан ГАЙХАМШИГТ шөл болно. Та хоёр тэр шөлийг уувал үе мөчний өвчин гэдгийг үүр мартана гэжээ. Тэгээд цааш нь:

- Түүнийгээ 10 литрийн саваар "Халуун тогоо" хоолны ресторануудад нийлүүлбэл, рестораны эзэд ясны шинэхэн шөлийг дуртай авна гэжээ.

Өглөө нь Өвгөн зөнч зүүдээ эмгэндээ хэлж, түүний дагуу ажлаа эхэлж гэнэ. Хөёр хөгшин өдөр бүр чанасан мах идэж, шөлийг нь ресторануудад нийлүүлсэнээр гэдэс цатгалан амар жимэр суух болжээ. Ясны гурилын үйлдвэрт чанасан ясаа нийлүүлдэг болохоор, өвгөн эмгэн хоёр цахилгааны зардлаа өлхөн төлчих мөнгө ороод ирнэ.

Гэвч эмгэнд нь яс чанасан эхний шөлөө асгахад хайран санагдаад байв. Иймд гэрийнхээ ойролцоо орших оюутны байрны дэргэд жижигхэн өрөө түрээслэн авч, тэндээ оюутны гуанз нээж гэнэ. Эмгэн ясны шөлөндөө 200гр хэрчсэн гурил, 40 гр мах хийгээд, 6 юанаар (1800 төгрөг) худалдахаар тооцоолсон байна.

"Өлсгөлөн бол хамгийн сайн сүмс" гэдэг. Эмгэн өлссөн оюутнуудад гурилтай шөлнийхөө амтыг мэдрүүлэхээр үнэгүй амтлуулж, хүн бүрт хөнгөлөлтийн карт бэлэглэжээ.

Залуус оюутны байр, сургууль дээрээ очоод, найзууддаа "Нэг Эмээ үнэгүй хоол өгч байна. Хоол идсэн хүн бүрт хөнгөлөлтийн карт бэлэглэсэн. Хар даа" гээд л үнэгүй сурталчилгааг цагийн дотор бүх сургууль даяараа цацжээ. Тэр өдөр эмгэний гуанзанд 120 оюутан хоол идэж, хөнгөлөлтийн карт авсан байлаа.

Дараа өдөр нь эмгэн бүр сайхан шөл хийж, "Нэг аяга хоол 10 юань. Хөнгөлөлтийн карттай оюутан бол 6 юань" гэсэн бичиг гуанзныхаа хаалган дээр бичиж тавьж гэнэ.

Хөнгөлөлтийн карттай оюутнууд ч өөрийнхөө картаар хоолоо идчихээд, картгүй найз нартаа картаа нууцаар хэрэглүүлсэн байна. Тэр өдөр 180 оюутан хөнгөлөлтийн картаар хоол идсэн бөгөөд эмгэн мэдээгүй дүр үзүүлэн дараагийн өдөр мөн л хоолоо худалдав. Эмгэнийг хуурч, хямд хоол идэж байгаадаа баяссан оюутнууд ч хөнгөлөлтийн картаа барьж ирсээр, Эмгэн ч хоолоо зарсаар нэг сар өнгөрчээ.

Өдөр бүр 1000 гаруй юаний орлоготой болсон эмгэн ядрах тул, зарим өдөр оюутан охидуудаас туслалцаа авч, хоолоо заруулдаг болов. Эмгэн бас туслагч охидуудаа 50 юаниар урамшуулахаа мартсангүй. Завтай үедээ эмгэнд туслаад, 50 юань авах дуртай охидууд ч мундсангүй гэнэ ээ. Цагийн ажил гэдэг бол оюутан хүний мөрөөдөл шүү дээ.

Удалгүй эмгэнд туслах хүсэлтэй охидуудын тоо нэмэгдэж, эмгэн бас нэгэн шинэ салбараа холгүй орших хот, хоорондын автобусны вокзал дээр нээв.

Мөн ясны шөл чанах, ресторануудаар түгээх ажилд ч охидууд тусладаг болж, өвгөн эмгэн хоёр олон сайхан туслагч хүүхдүүдтэй болсон байна. "Эмээгийн гурилтай шөл" гэсэн нэртэй жижиг гуанзууд ар араасаа шинээр нээгдэж, тэр хотод нэгэн шинэ төрлийн сүлжээ гуанзны брэнд бий болсон байна. Онцлог нь өвгөн эмгэн хоёр зөвхөн оюутан охидуудын туслалцаа авдаг уламжлалаа одоо хүртэл хадгалсаар байгаа гэнэ.

Амьдралд ойр энэ бизнес санааг хэрэгжүүлэх тоног төхөөрөмжийг танилцуулъя.

1. Яс хөрөөдөх машин

Ясны шөл гаргахын тулд ясыг аль болохоор жижиглэн хөрөөдөх хэрэгтэй. Ингэсэнээр яс буцлах явцад ясны дотор эдүүд хурдан задарч, эрүүд мэндэд хэрэгтэй шим тэжээл нь шөлөнд шингэнэ. 

2. Уурын даралттай битүү чанагч цахилгаан тогоо

Энэхүү тогоо нь халаалтын температурын автоматаар болон механик тохиргоотой бөгөөд хэрэглэхэд хялбар. Тос болон усанд хүнсний бүтээгдэхүүнийг чанаж боловсруулах зориулалттай бөгөөд хэрэглэж дууссаны дараа тогоог тонгойлгож доторхи шөл болон тосыг авч болно. Сайн чанарын зэвэрдэггүй гангаар үйлдвэрлэсэн тул арчиж цэвэрлэхэд хялбар, эрүүл ахуйн шаардлагыг бүрэн хангасан.

Нийтийн хоолны газар болон хагас бэлэн боловсруулсан хүнсний үйлдвэрөргөн хэрэглэнэ.

Зураг дээр: Битүү чанагч тогоо. Автомат температур тохируулагчтай энэ тогоонд малын яс, толгой зэрэг удаан хугацаагаар ялз болгох шаардлага бүхий хүнсний бүтээгдэхүүнийг өндөр даралтаар чанана. Тогоон доторхи уурын даралт 0,35 МРа хэмжээнд хүрмэгц тогооны автомат систем цахилгаан хэрэглээг таслан зогсооно. Тогооны доторхи уурын даралтыг хянах боломжтой бөгөөд хэрэв даралтын хэмжээ эрс нэмэгдвэл халаагчыг автоматаар салгана.

Энэ тогоо энгийн тогоотой харьцуулбал цахилгаан хэмнэх тал дээр гайхамшигтай. Ясыг 24 цаг буцалгасаны дараа жинхэнэ кальциар баялаг шөл болдог. Тийм шөл гаргахын тулд маш их эрчим хүч шаардагдах нь мэдээж. Тэгвэл энэ тогоо гадуураа давхар дулаалгатай тул доторхи халуунаа гадагшаа алдах нь бага байдаг. Нэгэнт буцалсан бол цахилгаан тэжээлийг таслан 3-4 цаг халуун ууранд нь ясаа болгоно. Тогооны дулаан алдагдал бага тул яс удаан хугацаагаар халуун ууранд задарч, кальци болон бусад тэжээлийн элементүүд шөлөнд шингэнэ.

Мөн толгой шийр чанахад хамгийн тохиромжтой. Маш хурдан хугацаанд болгоно.

&

Хамгийн жижиг хэмжээтэй тогоонд 20 ширхэг хонь ямааны толгой нэгэн зэрэг чанаж болно. Харин үхрийн толгой 5 ширхэг багтана.

3. Шөл савлах төхөөрөмж

Кальцийн баяжмалтай ясны шөлийг хөргөсөний дараа энэхүү савлах төхөөрөмжөөр савлан, хөлдөөгчинд хийж хөлдөөнө. Хэдэн граммаар савлах нь таны хэрэг. Ясны багахан шөлийг л хоолондоо хийхэд л гайхамшигт амтыг мэдрүүлэх тул борлуулалт сайтай бүтээгдэхүүн болно гэдэгт итгэлтэй байна.

Техникийн үзүүлэлт

• Үйлдвэрийн бүтээмж: 1500 уут/цаг
• Уутлах хэмжээ: 50-500 мл/уут Нарийвчлал: ± 1.5%/уут
• Гялгуур уутны материалын үзүүлэлт: Зузаан: 0.08мм, Өргөн: 320 мм (240мм)
• Цахилгаан хүчдэл: 220 Вольт/380 Вольт 50Hz
• Цахилгаан зарцуулалт: 1.2 кв
• Хүндийн жин: 350 кг
• Гадна хэмжээс: 970×870×1970 мм
• Үйлдвэрийн үнэ: 10800 юань

Дүүргэлтийн хэмжээ, уутны хэмжээ, савлагааны хүндийн жин, нааж зүсэх температур зэргийг тохируулахад хялбар, ажиллуулахад амархан.

Савалгааны процесс:

1. Уутыг хийнэ 2. Хэт ягаан туяагаар ариутгана 3. Халуунаар битүүмжлэн наана. (Босоо) 4. Огноо тавина 5. Хэмжинэ 6. Дүүргэлт хийнэ 7. Халуунаар битүүмжлэн наана (хөндлөн) 8. Зүснэ 9. Автоматаар тоолно.

Үхрийн булууны ясны ид шид

Ясны шөл гаргахад хамгийн тохиромжтой яс бол булууны яс юм. Монголчууд идэр залуу насны үхрийн чөмөг, булуу, тойгны ясыг сонгон авч ядаргааны шөлийг хийдэг байжээ. Учир нь чөмөг, булуу, тойгны яс нь үхрийн хүнд жинг бүхий л амьдралынх нь турш дааж, тээж явдаг хамгийн бат бөх яс төдийгүй олон төрлийн амин дэм, эрдэс бодис, фосфор, кальци, төмрийн агууламж сайтай байдгийг нь эрдэмтэд нотлоод байна. Ясны шөл нь хий ядаргааг тайлж, тамир тэнхээ оруулахаас гадна үе мөчний хууч өвчнийг анагааж, ханиад томууг дарж, эрч хүч тамир тэнхээ нэмдэг.

Сонгож авсан ясыг чанахад тохируулан тайрч бэлтгэнэ. Хэрвээ ядаргаа тайлах ясны шөл гаргаж авмаар байгаа бол ясыг сайтар шулах хэрэгтэй. Хэт их махтай нь чанавал ясны чөмөгний жинхэнэ эрдэс бодис нь махны чанарт дарагддаг. Ясыг хүйтэн усанд хийж 3-4 цаг зөөлөн гал дээр чанах бөгөөд шөлний дээр тунасан өөх тосыг байнга шүүж авна.

Үхрийн чөмөг, тойг, булууны яс нь хатуу нягтаршилтай зузаан байдаг тул олон цаг буцалгавал ясны нарийн ширхэгт шингэсэн байдаг эрдэс бодисууд нь задарна. Өрхийн хэрэглээний энгийн тогоонд дүүртэл нь ус хийж байгаад өдөржин буцалгах хэрэгтэй. Харин дээрхи тогоонд 1 цаг буцалгаад 3 цаг битүү жигнэх маягаар 2 удаа буцалгахад бүрэн задрана.

Сайн буцалгах тусам амт, чанар сайтай сайхан шөл гаргаж авна.

Буцалгах хугацаандаа огтхон ч давслах хэрэггүй. Ясны шөлийг жинхэнэ өөрийнх нь амтаар гаргаж авна гэсэн үг. Харин тойгны шөлийг дангаар нь чанахад цэхэр цагаан шөл гардаг бол булуу, чөмөгний шөл тос, нөц их ялгарсан цайвар бордуу шөл болдог. Олон цаг буцласан ясны шөлийг амсахад хөлс гарам сайхан амттай байх бөгөөд бүтэн сармисны хумс, давс, хар перц, сонгино, ногоон сонгино, лаврын навч хийж 20-30 минут буцалгаж амт, үнэрийг нь сайжруулна.

Зүүн өмнөд ази, Солонгос, Хятад зэрэг оронд ясны шөлөн дээр дүпү, байцаа, майлз, далайн байцаа, чинжүү хийж иддэг бөгөөд эдгээр нь эрдэс баялагийг нь улам арвижуулж өгдөг. Түүнчлэн цагаан гаа, хатаасан улаан чавгийг хийж чанахад дархлаа сайжирч, чалх сайтай болдог хэмээн үздэг.

Ясны шөлийг амтлаж, дангаар нь уухаас гадна гоймон, будаа, ногоо зэргээр хачирлан хоол хийж болно.

Ясны шөлний үйлдвэрээс зөвхөн шөл гараад зогсохгүй их хэмжээний шөлөн тос, яс гарна. Сайтар чанасан ясаар гахай, тахиа, загас, нохой, үслэг ангийн тэжээл хийхээс гадна бордоо, ясны шаазангийн үйлдвэрийн үнэт түүхий эд болгоно.

Улаанбаатарчууд бидний ихэнхи нь хувийн машинтай. Гэвч харамсалтай нь өдөржин замын түгжрэлд орж, цаг алдана. Дээр нь авто угаалга хийлгэхэд дор хаяхад 20-30 минут алдана.

Би машинаа угаах дуртай л даа. Гэхдээ авто угаалгын газар зөвхөн гадна угаалга хийлгэхэд хамгийн багадаа 10000-15000 төгрөг төлнө.

Заримдаа машинаа сайхан цэвэр усаар шүршүүлчих юмсан гэж бодох боловч тийм хурдан шуурхай үйлчилгээ ховор.

Иймд би "Өөрөө өөртөө үйлчлэх авто угаалгын газрын" тухай бизнес санаагаа дэлгэх гэсэн юм.

Ердөө л ганцхан сайн усны насостой байхад л энэ үйлчилгээний тоног төхөөрөмж гүйцээ.

Үйлчлүүлэгч мөнгөө төлөөд, өөрөө машинаа хүссэнээрээ сайхан угаачихна. Тэгээд ч үнэ хямд байвал бүр сайн байна.

Тооцоо бодоод үзье. Нэг хүн 3000 төгрөг төлөөд, машинаа цэвэр усаар шүршихэд үсрээд л 10 минут болно. Таны угаалгын газар нэг ээлжиндээ 10 машин зэрэг угаах боломжтой гэж үзвэл, нэг цагт 180 мянган төгрөгний орлоготой ажиллана. Өдрийн 8 цагт 1сая 440 мянган төгрөгний орлоготой болно гэсэн үг.

Та угаагч цалинжуулахгүй болохоор цахилгаан усныхаа мөнгийг төлөөд л сардаа 40 гаруй сая төгрөгний цэвэр орлоготой ажиллана.

Сайхан байгаа биз? Авто угаалгыг чанартай хийхэд өндөр даралтын усны насосын үүрэг маш их болохоор би Хятад улсын хамгийн сайн чанарын насосыг танд танилцууллаа.

Жич: Энэхүү үнийн саналд Үйлдвэрээс Эрээн хот хүртэл тээврийн зардал шингэсэн болно.

Энэхүү өндөр даралтын усны насос нь Авто угаалгын газар 2 ширхэг байхад болно. Нэг нь усан угаалганд, нөгөө нь хөөс шүршихэд хэрэглэгдэнэ. Энд 3 том машины шүршигч буу, 7 жижиг машины шүршигч буутайгаар схем зургийг гаргалаа.

Зочид буудал, үзэсгэлэнгийн танхим, олон нийтийн үйлчилгээний газар

Авто угаалга болон авто баазууд

Усан сан болон спортын цогцолборууд

Авто засварын газар ба хот хоорондын тээврийн байггууллагууд

Үйлдвэр дээр эдгээр бүтээгдэхүүн бэлэн байгаа тул захиалга өгсөнөөс хойш 5 хоногын дотор Эрээн хотод ирнэ.

Та бүтээгдэхүүнийг Эрээн хотод манай төлөөлөгчийн газраас хүлээн авч болох бөгөөд хүсвэл бид Улаанбаатар хот руу каргогоор илгээж болно.